السباحه وشد الترهلآت ~_~

بسم الله الرحمن الرحيم
السلآم عليكم ورحمة الله وبركآته،،
شحالكن خواتي كلن بحاله
عساكم بخير وسهاله ^،^
بغيت استفسر منكن خواتي الغاليات في حد جربت السباحه وانشدت عنها الترهلآت!!
لاعت جبدي منها وافكر اسجل بالسباحه بس ماعندي خلفيه عن فايدة السباحه!!
الحمدلله لك يارب ضعفت بس صارت ترهلات بالجسم وبعدي بنوته مب معرسه وحالتي النفسيه داون من اشوف جسمي !__!
شو الحل برايكن !

السباحة بتنفع بس كتافج شكلها بيتغير الراضة العادية احسن لج

فديتج روح بس كيف كتافي بتتغير!
ماتخيل تصير مثل الريال خخ
سويت إيروبيك ماشي فايده!

فديتج الرياضة اهم شي الجسم السليم في العقل السليم
الايروبيك ماداومتى عليه جربي الرقص بالبيت سوي بغرفتج نادي رياضي شوفي حد من ربعج تتمشين وياههم عالبحر الحين الجو حلو ويساعد اشربي ماي وايد عشان نظارة البشرة وادهنى بزبدة الشيا الخام + زيت اركان المغربي + زبدة الكاكاو استمري شهر بتبان النتيجة اي شي حاضرين اختى
ولا تنسين اللبس الرياضي بيساعد عالشد

الايروبيك وبعد السباحه ممتازيين بس اهم شي استمري وخاصه ان الترهلات مب في يوم وليلة بتختفي

فديتكم انآ،،
جربت الإيروبيك شهر وشي ويوميا بس ماشي فايده!
وإن شاء الله باذنه تعالى بسمع نصايحكم ^_^
وربي يوفجكم يآرب

حياتي انتي فترة شهر وشهرين ما تكفي علشان تصلحين خراب سنين, الاستمرار يعني 6 شهور ع الاقل

والسباحة تبالها نفس طوييييييييييييييييييل ومدربة زينة تعلمج تضبطين التنفس وأهم شيء تبالها ربيعات .. بدون رفجة حلوة ف الحوض ما بترومين تكملين وبتملين

أنا لأني ( سبَاحة) بخبرج .. السباحة لها عدة أنواع .. النوع المعتاد واللي تشوفينه وايد انا اسميه سباحة التخبيص حد يكفخ الماي بايدينه وراسه برا الماي وهذي ما بتسوي لج شيء غير انا تعرض اكتافج

السباحة الرياضية اللي تكون والويه في الماي .. هذي تشد عضلات الايد ودعامات الصدر بس

السباحة بشكل الضفدع وهذي من اصعب انواع السباحة لانها تبالها تمرس هي اللي تشد الجسم عدل

بس مثل ما قلت لج في البداية تبالها 3 مرات اسبوعيا على الاقل لمدة 6 شهور علشان ترضين عن النتايج

لا تتحسبين جسمي بيرفيكت علشاني اسبح .. لا أصلا أنا ودرت السباحة من فترة لان ياني تمزق في الاربطة وصارت السالفة صعبة علي شوي بعد العلاج الطبيعي برجع للسباحة

غير جيه ترا صدق عندي عضلات خاصة في ايدي وتحت ركبتي .. يعني هي تربي عضلات بعد