السوق الجديم ف الشارجه

السلام عليكم والرحمه

اشحالكم خواتي؟

فديتكم انا باجر ان شالله بسير السوق الجديم ف الشارجه, وهاي اول مره اسير فيها

وحابه اعرف احسن المحلات اللي فيها جلابيات خفيفه حق البيت واسعارها مناسبه

وبعد بغيت اعرف عن مركز ساره للعبي
وين مكانه بالضبط؟
وشو احسن المحلات اللي فيه

والله يعطيكم العافيه
مشكورين مقدما . .

الغلا بالنسبه للعبي هب لازم بفصيلنهم في مركز ساره فصلي في المحلات لي برع ارخص عن مركز ساره عند محلات عبي وايد نقي لي يعجبج وفصلي

حياج الله عندنا في الشارجه

الغالية عن نفسي ما عندي محل معين الف والف والف خخخخخخخخ

صدقيني دوري عدل بتحصلين كل محل عنده شيء مميز

بالنسبة للعبي ما اعرف الغالية لاني البس عباة راس

هلا اختي
في محل عبي في مركز سارة اسمه سان مارينو اظني الطابق الثاني روعه العبي اللي عنده واسعاره زينه

ومكان المركز في السوق الجديم نفسه مايضيع من توصلين بتلقينه او تخبري عنه
وفي محل للتنانير في المركز نفسه روووووعه شي اسم المحل بس تنانييره روعه في الطابق الثاني دوري وبتلقينه

السوق الجديم كل شي فيه

مشكوووورين خواتي ما قصرتو

الله يعطيكم العافيه ويجزيكم كل خير . .