اخواتي خلونا نتواصل ونعرف
كلمة (الفوبيا) ذات اصل يوناني وهي مشتقة من لفظة (فوبوس Phobos)وتعني الفزع او الرعب او الخوف الذي يدفع الى الهرب . كان عالم النفس الشهير سيجموند فرويد اول من انتبه الى الطابع النفسي الخفي لهذه الحالة وحالات الفوبيا الاخرى مثل فوبيا"رهاب" الطريق ورهاب الاماكن الفسيحة ورهاب الاماكن العالية ورهاب الاماكن الضيقة ورهاب الاماكن المظلمة ورهاب ركوب الطائرة او القطار ورهاب الامتحانات واعتقد ومعه المحليين النفسيين ان جميع حالات الرهاب هذه تربطها ارضاً مشتركة تتمثل في اسقاط الخطر الداخلي الى الخارج ويربطه بموقف او بموضوع معين ، ففي رهاب الحيوان يختار حيوان مناسب ليجسد الخطر
طبعا راح تستغربون ليش حاطنه هني لان في ناس اتخاف من الطيارات والقطارات وغيرها ولانها تدخل في موضوع السفر والسياحة فيا ترى من عنده هذا النوع من الفوبيا واتخبرنا تجاربها وكيف تخلصت منه
في انتظاركم
تحياتي
ام عمران
صراحة موضوع اكثر من رائع
انا جدا مهتمة بموضوع الفوفيا و بكل المواضيع المتعلقة بالنفس
عني انا فعندي مجموعة من الفوبيات مثل ورهاب الاماكن الضيقة ورهاب الاماكن المظلمة ورهاب الامتحانات و كدلك فويبا الكلام امام الجمهور
و طبعا ما تخلصت منها بس احاول اتجنب اسبابها
شكرا على الموضوع الشيق
تسلم اناملك اللي خطيت كل شيىء حلوة
تحياتي
ام عمران
انا اعاني من فوبيا الأماكن الضيقة والأماكن العالية…. واقصد بالعالية يعني العاااااااااالية مب بو خمس وعشر طوابق و20 طابق… اكثر… وخصوصا يوم اركب لفت زجاجي…. اهدم ولو يطول فيني عادي يستوي فيني شي… لو حد لاحظ هالشي.. الممر اللي في الطابق الأول في المركز التجاري جهة باب المواقف الطوابق… هو شوي شفاف.. زجاج اخضر… واااااااااايد اتوتر يوم امشي عليه مع انه الطابق الأرضي ما يبين … وودي اركض.. بس البرستيج ما يسمح ههههه
كانت فيني فوبيا التحدث امام جمهور كبير… واتوتر وقلبي يرضخ لين احس به بيظهر… بس الحمدلله تخلصت منه يوم اشتغلت في مكان يحتاج اني ابربر وايد جدام الخلق… ومديري يوم عرف علتي تم اي شي يقول انتي قولي انتي ارمسي… وكنت كله اقوله لأ لأ لأ.. لين صار مؤتمر صحفي وانا مخبرتنه اني ما برمس.. ويوم حاد التصوير وبالأخص التلفزيون قال بتشرح هالجزئية الآنسه أمووون.. طبعا انصدمت وما توقعت منه هالحركة.. وزعلت بعدين انه ورطني… بس تم يقول عيل كيف بتتعودين … وبالتدريج قمت اتكلم شوي شوي… واكثر عدد من الناس تكلمت جدامهم بالميكرفون هو حوالي 80 أو 90 شخص… بس اخاف يوم يزيد العدد اتبلم واتوتر.. مادري
اما الحمدلله مافيني فوبيا الطيارات أو السفر خخخخخخخ يمكن الطيارات فيها فوبيا مني من كثر ما احب اسافر
على رأسي
تحياتي
ام عمران
