الكنة والحماية

مب لازم يكون هالوضع دائما
يعتمد على حسب طباع الاثنين

اعتبرها أم مب حماه وكيف تعاملين امج عامليها
وتقبلي منها إلي تتقبلينه من أمج وتغاضي عن إلي ما يعيبج

لو الكنة وزوجها أعطوا اهتمام ملاحظ للحماة .. عمرها ما بتكرههم

هالشي احسه على حسب غلاة الزوج..

يعني الوحدة الي تحب ريلها بتحب اهله .. واصلاً الذكية الي تبا تكسب ريلها دوم لازم تحب امه وتحترمها..وتبين له هالشي مب نفاق ..

الهدايا لها تأثير في النفوس سبحان الله .. الكلمه الطيبه.. اليلسة وياها (اهم شي ) مب كله مندسه في غرفة النوم .. تشاركينها زياراتها ويلساتها..

اعتبريها امج .. خافي الله فيها .. فكري انه لو اخوج الي تزوج ما بترضين انه حرمته تلعوز امج ..

واساساً الي تحط في بالها انه العمه مشاكل بتم عايشه في هالرعب والاحساس .. لكن تصفية النية هيه اهم نقطه مب كل حماة شريرة بالعكس ..

انا اقولج لو الحماااه كانت علاقتها مع زووجها اوكي و عايشين في ود و وئااام صدقيني ما بتغاااار على ولدها! بالعكس بتحب له الخير و بتحب حرمته و بتحطها في عيووونها بي لو العكس بتلقين الغيييييره ماكله جبدها!! و بتحط دوبها و دوووب حرمت ولدها،، ها كله بسبب النقص اللي هيه عايشتنه،، تبا تاخذ العطف و الحنان من ولدها اللي بيكوون ضايع بين النارين،، اما لو العمه كانت مكتفيه صدقيني بتعتبر حرمه ولدها كوحده من بناتها!