شحالكم ان شاء الله بخير
خواتي بغيت اتخبركم اذا احد فيكم عنده اي خلفية عن جزيرة كيش الايرانية
بصراحة انا وايد سمعت عنها
والكل يمدحها
وشفت صورها فالنت وايد حلوة
بس سؤالي هوو
هل هذا الوقت
اقصد شهر نوفمبر
مناسب لزيارة الجزيرة؟؟؟
يعني الجو اوكي؟؟
وشو عن اللغه؟ يعرفون عربي؟ انجليزي؟ عاد مافيني اتوهق شرات تركيا ههههه لا عربي ولا انجليزي الا تركي بس !!
وشو نصايحكم؟ وشو رايكم بشكل عام عن الجزيرة؟؟
تنصحوني اروحها مع الاهل كـ تغيير جو يومين او 3 ايام ؟؟
أو أختار مكان ثاني؟؟
لاني بصراحة امر بضروف صعبه شوي ونفسيتي دمااااااااار ومحتاجة أغير الاجواء اللي انا فيها!!
اتريا ردودكم الحلوة
والجزيرة ما تحتاج فيزا وحتى لو قلتي لهم ما بوقعون على جوازج ختم ايران
وثاني شي الناس متطورة اكثر من المناطق الايرانيية الثانية ويعرفون انجليزي وحد من اهلي قابلو هناك امريكيين وفرنسيين والمان واتراك
الجزيرة يكفيها 3 ايام مب اكثر للي بيبي يلفها كلها بي للي يحب الراحة ياخذ الوقت اللي يبيه براحته
طبعا فنادقهم روووووووووووووووووووعة عنهدم فندق خبال نسيت اسمه بس اذا فكرتي تسافرين خبريني وشي شاليهات وشي فلل عالشاطئ اضن اسعار الفلل شوي غاليه بس تراه شغل عدل
طبعا التذاكر من شركة كيش للطيران اضن الاسعار للكبار من 450-600
والاصفال نص السعر
عندهم مولات متنوعه ويمكن تحصلين منتجات ايرانية حلوة مثل السلات والحرير والخلاقين والشباصات والمكسرات
طبعا مطاعهم ما عليهن كلام معظهم خدمات عالية ونظاف جدا
طبعا السفر قي شهر نوفربر الجو لطيف بس من بارد كثير شراتنا نحن
في مدينه الاسكندر القديمة اللي عندهم شي خيال مدينه تحت الارض
وشي حديقة الدلافين
وشيي شاطئ خاص للنساء اضن حتى الحجاب في الشاطئ عادي تفصخينه يعني مرحيينكم كثير
تذكري
لكن طبيعة مناخ الجزيرة نفس مناخنا يعني لا تتحرين نفس اصفهان بتشوفين الانهار واشجار الخوخ والمشمش والصنوبر والشلالات والثلج
نصيحة اخيرة
(( هذي الجزيرة هي للاستجمام والراحة وتغير الجو لمدة يومين -3 ايام مب مثل ما يعتقد الكثير انها جنه خضرا اللي يبى الطبيعة والانهار طبعا الشمال هالوقت ما يصلح كله ثلج بثلج يروح اصفهان واللي يبي الاستجمام يروح كيش
اصفهان =طبيعه تشبه دمشق ثلج انهار
كيش= استجمام تسوق راحة وتجديد نشاط
بتحصلون ع اليمين كلمه كيش بالانجليزي ضغطوا عليها وبتحصلون قائما الفنادق باللون الابيض تحتها ع طول
وبنزل لكم صورة الفندق اللي عجبني
Dariush Hotel (5 star)
