شحالكن خواتي ..
بصراحة أنا في مشكلة صغيرة أتمنى بإذن الله بتوجيه و نصيحة منكم أني أوصل لمرادي و الأمور عندي تترتب
السالفة و ما فيها إن ولدي أنهى المرحلة الدراسية (الصف الخامس) و الحمدلله بنجاح في إحداى المدارس في رأس الخيمة. المشكلة بأن المدرسة اللي يدرس فيها سكروا الصف السادس للأولاد و الحين أفكر أنقل ولدي بوظبي بسبب ظروف العمل . و توهقت لأني سمعت بأن فترة التسجيل في كل المدراس انتهت.
أريد أعرف كيف اتصرف لأن بصراحة ما عندي أي خلفية عن مدراس بوظبي و أنظمتهم .. بالإضافة إلى أني أريد أعرف شو أحسن مدرسة خاصة أو مدرسة نموذجية. و متى ممكن أسجل ولدي و إلا راحت عليه ها السنة؟؟ التركيز دايما عندي على المدراس اللي تنمي اللغة العربية و التربية الإسلامية.
وودي أعرف كم بتكون الأسعار و الرسوم للصف السادس إن أمكن.
أرجوا منكم إنكم تردون علي خواتي ..
أختكم
أم خالد
أتمنى أستفيد من ردودكم .. غريبة الموضوع نزل بدون أي تعليق .. إذا ما راح أستفيد أو ما تعرفون بليز خبروني .. أريد أبدأ الخطوة الياية اللي في بالي … بس محتاجة ردودكم إذا تعرفون شي
أم خالد
طبعا الحكومي او النموذجيه ما الخاص لان الخاص يبون امتحان وما كل شخص ينجح الله يسهل
ارد لموضوعنا شوفي المدرسه اليه نبينها وبعدين اتصلي عليها وبيطلبون منج ورقه من المدرسه الجديمه وبعدين اتودينها المدرسه اليديده
ان نص الفصل نقل ولدي هنا بوظبي
وعلى فكره المدارس الخاصه بعدها اتسجل كم وحده خلص تسجيلهم والباجي مفتوح
واذا تبين شيء انا حاضره انا في الخدمه
بس ادعلي ان شالله احصل مدرسه خاصه تقبل ولدي
ربي يوفقج فديتج .. هذا أولا
و ثانيا وي أشكر لج اهتمامج و ردج .. أنا بصراحة ما أدري وين بسكن بس عندي السكن مش مهم كثر زين الولد بيدرس .. و بضبط سالفة السكن .. ما عندي مشكلة إذا المدرسة كانت بعيدة عن البيت بس بشرط ما تكون برع بوظبي. و ودي بمدرسة خاصة لأن ولدي درس في مدرسة خاصة بس منهج وزارة التربية و التعليم .. و لكن تعود على المدراس الخاصة و ما أقدر اوديه مدرسة حكومية .. أنا سمعت مدرسة النهضة زينة بس ما أدري أريد معلومات أكثر عنها و ما أعرف متى آخر يوم للمدارس في ها الشهر أتصور بس ما أدري متى. مش عارفة كيف اتصرف لأني يالسة أشطب كثير من الأمور في رأس الخيمة عشان النقل لأبوظبي بشكل دايم بإذن الله. و هذا يمنعني من سيرة المدراس هناك تعرفين.
ولدج كم عمره .. يمدحون ABC إذا ولدج بعده كي جي و إلا قريد 1-3 تأسيسهم حلو يقولون. ربيعتي عيالها الاثنين هناك.
بليز لا تبخلين علي بأي معلومة تشوفنها ممكن تساعديني و ما تقصرين بصراحة.
في انتظار رد باقي هل العاصمة.
أختكم أم خالد
وفي المنطقه اللى بتسكنين فيها وشوفي المدارس الجريبه منج او في نفس المنطقه
بالنسبه للتسجيل ما راح عليه ولا شي
لانج بتييبين ورقه تحويل من المدرسه وعاادي والتحويل من اخر مره تقريبا قبل شهر اتصفح موقع الوزاره والتحويل مكتوب لج التحويل من مدرسه لمدرسه لتاريخ معين عاااااااادي والتاريخ ما اذكره بس اذكر انه بعيد بشهر 11 اظني او نص اكتوبر شي جذا
وان شاء الله تتوفقين بالاختيار وتكون نقله مريحه لكم فيها خير لكم
تسملين على الكلام اللي يريح الفواد و اللي يطمن بصراحة ..
أنا فديتج حصلت سكن في المشرف و في بناية على شارع المطار .. صارت لي شوي عراقل ووقف الموضوع و يوم الأحد هذا أو الاثنين بباشر بموضوع السكن مرة ثانية.. مش أبعد من ها المكانين إن الله أراد. هذا شي و الشي الثاني مدرسة ولدي عطوني ورقة نقل من منطقة تعليمية إلى منطقة أخرى و هذي الورقة وقعتها و صدقتها من منطقة راس الخيمة التعليمية و الأمور مشت أوكي .. و صدقولي آخر شهادة بعد. بس الخوف في التسجيل حبيبتي.. ولدي تعود على نظام المدارس الخاصة و خايفة أوديه مدرسة حكومية. إذا لقيت مدرسة خاصة تتبع نظام وزارة التربية و التعليم عادي بس المهم تكون خاصة و الأهم تكون على مستوى راقي في التعليم..
تسلمين الغالية مرة ثانية و أنا شاكرة تواجدج و مرورج الكريم
أم خالد
بعدني أدور مدارس حق ولدي ..
شو رايكم بمدرسة السادس من أغسطس .. وحدة من الصديقات دلتني عليها .. حد يعرف ها المدرسة أو سمع بها ..شو مستواها .. ليت أهل بوظبي يفيدوني
أختكم
زمردة
