المندي . يميييييييييي - ملكات الامارات

شو الاخبار
الصراحه هاي الاكله وايد لذيذه
خذت طريقتها من منتدى حواء بس هي مسوتنها على لحم وانا سويتها على دجاج
وزدت شوي في البهارات
وانا جربتها كم مره والحمدلله ضبطت من اول مره
وهاي صورتها

وبسم الله نبدأ

المقادير
دجاجه مقطعه 4 قطع
2 كوب عيش منقوع في الماي
4 بطاطا صغيره
بهارات العيش(عود قرفه +ورق غار+حبات مسمار+هال)

تتبيله الدجاج
زيت او زبده ذايبه
ملح +فلفل اسود
بزار
كزبره مطحونه
قرفه مطحونه
بهار التندوري
ثوم مهرووس
زنجبيل مهرووس
شويه زعفران

الطريقه
تشغلين الفرن على حراره 200
تخلطين تتبيله الدجاج وتحطينها على الدجاج وتخلينه على جنب

تقطعين البطاط قطع كبيره يعني كل وحده 4 او 3 قطع وتخلطين بنفس تتبيله الدجاج

تجهزين صينيه الفرن (انا استخدمت البايركس) تحطين العيش وتوزعين عليه بهارات العيش وترشين شويه ملح
وتصبين الماي الحار لين تغمرين العيش نفس الصووره

تغطين البايركس بالقصدير ويكون طبقتين وتسوين فتحات بالسكين

تحطين الدجاج على القصدير وتوزعين البطاط

تغطين الدجاج وتدخلين الصينيه الفرن

بعد مرور ساعه تقريبا ترفعين الغطا عن الدجاج وتخلينه يتحمر وفي ها الوقت وزعي على الدجاج قطع صغيره من الزبده

ولمحبي رائحه الباربيكيو يجهزوون مله تتحمل الحراره ويحطووون فيها زيت ويحطونها على الدجاج ويولعون فحمه ويحطونها على الزيت ويغطونها عشان ريحه الشوا تدخل في الاكل(وهني يكون مندي 100%)
بس انا الصراحه ما سويتها
وخلاص
طلعيه وقدميه بالعافيه

يعطيج الف عافية وشكلة مره لذيييييييييذ خليجية

يمي يمي

تسلم الايادي يا شيف Rosewater

المشاركة الأصلية كتبت بواسطة بطرانةحلوة

يعطيج الف عافية وشكلة مره لذيييييييييذ خليجية

المشاركة الأصلية كتبت بواسطة Cute Mamy

يمي يمي

تسلم الايادي يا شيف Rosewater

خليجية تسلمووون على المرور الطيب

رووووووووعه تسلم يمينج

المشاركة الأصلية كتبت بواسطة الطيوح

رووووووووعه تسلم يمينج

المشاركة الأصلية كتبت بواسطة عقد لؤلؤ منثور

الله يسلمكم

اترك تعليقاً إلغاء الرد