بخبركم سالفتي بس أبغي حل لها 
هالاسبووع سرت أدرب صيفي وحطوني سكرتيرة .. والسكرتير الاصلي موجود
فأول اليووم يلس ويعلمني الشغل وأنا كنت رايقه بس أهووه كان مستحي ههههه
بس ماشاء الله علييه وااااااااااايد يرمس عن نفسه وشو ألي صار ويااه .. أحيانا أحسه تافه ويااهل
واليوم الثاني الصبح يلست على المكتب شفت ورقه مكتوب عليها العشق سم والعشق عذااب …. وجيييييه شليت الورقه وحطيتها بالدرج عسب محد يشوفها ويفكر شي ثاني..
واليوم ألي بعده حط ورقه فيها صورة قلب وكاتب أسمي ومعاها شعر >>> على فكره ترااه شاعر هههههه
يعني بالمختصر المفييييييييييييييييد شكله الولد يحبني وانا مابييه يحبني ما أحب هااي السوالف
ترى نحن في مكان واحد وشغلي وشغله واحد فلازم أعرف رقمه و أهووه يعرف رقم موبايلي .. لأن أحيانا في أورااق ومستندات ما أعرف وين مكانها
وحتى يتصلي ويتم يسوولف ويطرش مسجاات حتى وصل للغزل ><
وأنا الصراحه أستحييييي وما أحب أرد حد ولا أكسر بخاطر حد حتى لو ما عرفه
ما أدري شو أسوي ويااه أستحيي أقووله لا تتصل ولا تسأل عني وفي نفس الوقت ما بي مشاكل وخااااااااصة أخووي من النووع ألي واايد واايد يغاار عليي بذاات ويحبني للينووون
صدق محتااره شو هااي البلووه ألي نزلت علييه …. بس الحمدلله على كل حاال
عيل لو صار لج شهر شبيسوي !!
مسرع هـ الحب .. من أول نظرة شو ؟!
اختي وقفيه عند حده .. السالفة لا حب ولاهم يحزنون .. السالفة انه يالس يلعب ويتسلى وبس ..
وقفيه عند حده والا بتكبر السالفة وايد .. 
وما اتوقع اهلج يرضون بهالمسجات وهالحركات .. وعادي لو دروا يمنعونج من التدريب الصيفي مول
اذا سكتي بيقول عايبنها… وبيزيد بهالحركات…
شو هالتصرفات الطايشة… انتوا في مكان عمل.. واذا ما حطيتي حد من الحينه تريي الرمسة اللي بتظهر عنج.. واتريي المشاكل ويا هلج…
الريال حتى لو البنت عايبتنه ما يتصرف جيه.. هذا يبا يتسلى وشاف قبول منج… والدليل مخليه الأوراق "مابا اتهمج" بس هاي بتكون نظرته لج… لو شقيتي الأوراق وخليتيها على المكتب وشافها مشققة.. بيعرف انه مب يالس يلعب على وحدة سهله المنال…
لوووووول
اول شي انتي في مكان عمل وووك محترم
و مانتي قلتي انه اهو قام يتغزل فيييج
فحاولي انج اتبينيله انج مب راعية جي سووالف
و اذا انتي سكتي له راح يقووول في خااطره انه البنت تباني و رااح يكمل وياااج
باختصااار
مفاتيح المشكلة كلها بيدج انتي
و حاولي اتعرفين انه لكل مهنة اخلاقيات و برااايي لازم اتفهمينه هالاخلاقيات
يعني حاولي انج تمشين ع سل
ان شااء الله بطبق ألي قلتوووه بالحرف الوااحد ..
