السلام عليكم ورحمة الله وبركاته
لوسمحتوا الغاليات ممكن مساعده
انا البنت الوحيده لابوي تقدم لخطبتي واحد و يبي يشوفني لأول مرة يعني ( النظرة الشرعية – الشوفه الشرعية )ســــــــــــــــؤالي اللي مر فهالتجربة الاماراتيات فقط سامحوني بس بحكم العادات والتقاليد !
شنو تنصحوني البس هل احط مكياج أو لا وشعري شو اسوي فيه ؟
هل اروم البس فستان خفيف او تنوره وقميص أو مغربي او مخوره او جلابية ولا المفروض عباية وشيلتها ؟
لان الدين رخص للفتاة أن تلبس ماتيسر أمام الخاطب للتمسك بها وبالنسبه للحدود التي يجوز أن يراها الرجل في مخطوبته ، فقد اختلف في ذلك أهل العلم ، فمنهم من قال : تكشف وجهها ويديها ورأسها ومكان قلادتها ، وقال البعض الآخر يكفي الوجه والكفان ، والقول الراجح في تلك المسألة أنه يجوز لها أن تكشف له ما تكشفه على محارمها وهو :
1)- رؤية الوجه والشعر
2)- رؤية مكان قلادتها
3)- رؤية يديها حتى الدبلج ( أعلى المرفق بقليل )
4)- قدميها ، والله تعالى أعلم
هذا الشرع والدين لكن المعروف ان لكل دولة عاداتها وتقاليدها هني فالامارات شو المفروض اني البس ؟ فيدوني مالي غيركم
عادي احط ميك اب ؟ عادي افك شعري ولا ضروري الشيله ؟ شو اقول ولا اتم ساكته ؟ شو اسوي ادخل الميلس واقدم عصير ولا قهوة ولا ادخل فاضية اسلم وايلس دقيقتين ؟
اللي تعرف تفيدني ولاتبخل علي .. فرصه ترجعون لذكرياتكم الحلوه وتفيدون المقبلات على الزواج وفي ميزان حسنااتكم ان شاء الله
بانتظار ردودكم الحلوه خواتي ضروري واللي ماتعرف ترفع الموضوع بليييييز
والسموحة
الله أعلم إن شاء الله البنات يفيدونج
وتخيلي ما صار نصيب
بس دام انه بيشوفج
استر واخيرلج عباه وتحجبي
مايشوفج وانتي فاره الشيله ولا لابسه مغربيه ولا اي شي
ترا بعد يعتبر غريب وماتعرفين شي نصيب ولا لا
وبيقول من الحين طالعتليه جيه
لبسي عباه وتحجبي صدقيني يحبون المتستره وخلي الاشيا الثانيه خلاف
وحطي مكياج خفيف جدا جدا
وعباه وشيله (تتحجبين حجاب كامل)
او مخوره وشيلة بيت في ناس يلبسون جي
