الوسواس ذابحني

صباح لخير خواتي …

انا البارحه كملت اسبوعين على التلقيح الصناعي ورحت البارحه عسب اسوي تحليل دم وقالت لي الدكتوره انه راح يبين اذا فيه حمل … بس كانت الصدمه النتيجه 2 … يعني ماشي حمل (( الحمدالله على كل حال )) … كنت ماخذه كلوميد وابر تنشيط وابر تفجيريه وسويت تلقيح مرتين واخذت تحاميل تثبيت وفيتامين وكان عندي 3 بويضات واحجامهم واااااايد اوكي ولله الحمد ….. بس ماشي حمل ….
والله من الضيق يلست اصيح …….. اتصلت فالدكتوره ويوم خبرتها انصدمت قالت ليش قلت ماعرف قالت مستحيل على الاقل يرتفع لو نسبه بسيطه …. قالت اصبري كم يوم يمكن يبين و حتى ترتفع النسبه بس انا متاكده انه ماشي حمل … عاد بدا الوسواس يلعب في راسي يمكن عندي انسداد انبوب او اي شي ثاني وقمت اتصلت بدكتوره مره ثانيه يلست اقول لها دكتوره انا وريلي ساليمين ولله الحمد ليش ماصار حمل قلت لها يمكن فيني شي يلست تضحك قالت شو بدينا نوسوس قالت انتي لا تفكرين وانشاءالله خير ….

بنات قولولي شو اسوي والله متضايقه وااايد موسوسه اقول يمكن فيني شي .. من مرت بنفس تجربتي وشو صار معاها ؟؟؟؟؟ .. ادعولي الله يرزقني بالذريه الصالحه ان شاءالله

استغفر الله العظيم و اتوب إليه

استغفري ربج واقري الكرسي و لا توسوسين
إذا ماصار الحمل هاي المرة المرة الياية إن شاااء الله
الله يرزق الجميع

انا ها حالي من 6 سنوات الدكاترة يستغربون ليش ما يستوي حمل مع ان بويضاتي ممتازة بس اخر مرة قررت اسوي اشعه الصبغه طلع عندي البطانه المهاجرة اقري عنه في قوقل وهو مسبب لي تاخير في الحمل… سوي اشعه الصبغه وريحي بالج

هلا الغالية حببتي خلي عندك امل كبير وتفالي بالخير تجديه

في حديث بما معناه ان الله تعالى يكون عند حسن ظن عبده فيه

فأنتي تفائلي بالخير بتلقيه قدامك بأذن الله ولا تمي تسوسي فديتك

ربي يرزقك بالذرية الصالحة وتجي تبشرينا بكل خير

هلا وغلا اختي
انا مريت بنفس حالتج ثلاث مرات
اي 3شهور اعالج وتتطلعلي بويضات واحتمالية تواااام ولله الحمد
وسويت تلقيح …وللاسف ما الله كتب لي الحمل
…بس انا ما كنت اوسوس شراتج..
لاني موقنة ان الله هو اللي يرزق العيال ..وان للحين ما كتب
والدكاترة ما اهم الا سبب نسير عندهم لا اكثر والامر من عند الله..
وانا ادري النفسية صعبة ففترة العلاج الله يكون فعونج اختي والله
وكل وحدة تعالج…انا صارلي احين 4سنوات مع العلاج وفي انتظر رحمة ربي
واوصيج اختي بكثرة الاستغفار ..والدعاء وقراءة القران
وكل ما حسيتي ان التفكير ماكل راسج صلي ركعتين وتدعين
وابعدي الوساوس …وان شاء الله يارررب تتطلعي حامل
وربي يرزقج بالذرية الصالحة المعافى على القريب العاجل
وتبشرينا…بس اهم شي خلي النفسية مرتاحة ..بالاستغفار بتتيسر امورج

الله يرزقج الذرية الصالحة

جزاج الله خير اختي والله يسمع منج …. والله اني متوكله على الله والحمد الله على كل حال …

أأأأأمين يارب