اول شي تيبين اللحم المفروم الطازج وتحطين فيه بصله صغيرة مفروومة و ملح وفلفل اسود شوي واذا اتحبين الفلفل الأحمر شوي وضمة بقدونس مفرووم ناعم وتيبين صمونتين واتشلين عنهم اليلد البني واتفتتينهم بحليب فرش وعقب تعصرينهم وتحطينهم مع اللحم وتخلطين زين وتخليينهم على ينب
تيبين الباذنجان وتيلفيينه وعقب اتقطعين شرايخ متوسطة واتقليينم واتخليينم على ينب
وبعدين تيبين صينية الفرن اللي بتحطين فيها الاكلة..تيبين جزر وتقطعينه سلايسات وايكوون في قاع الصينية وعقب تيبين شريحة الباذنجان واتمدينها وعقب تاخذين لقمة من اللحم وتكورينها بحجم الباذنجان واتلفين الباذنجان واتحطينهم فوق الجزر بهاي الطريقة
لين ماتنترس الصينية
اتكونين انتي مجهزة هالصوص من قبل وهو عبارة في الخلاط البوندر تحطين 2طمام وايكونن حمر واشوي صلصل وماجي وفلفل اسود ورب الرمان واذا حابة فلفل احمر وشوي ماي وتخلطيينهم عقب اتحطين الخلطة في جدر واتخلينها لين ماتفور شوي وتغلظ شوي
واتصبينهم فوق الباذنجان ويكون مغطنم
واتغطينها بقصدير واتحطينم على نار هادية لمدة ساعة الا ربع وبالهناء واسمحولي انمسحت صورته وهو في النهاية….
ودمتم بود
تسلمين وما قصرتي
وان شاء الله في القريب العاجل بسوي هالطبخة الشهية
وبالعافية عليكم يمي يمي
اموت في البيليان
