بنتي فديتها عمرها سنتين و 3 شهور ..و الحمدلله ما علمتها على التلفزيون من سن صغيره ..توني الحين احاول وياها تشوف التلفزيون ..
ما حبت اي نوع من انواع الرسوم ..الشي الوحيد اللي حبته بارني ؟؟لانه فيه دباديب ز يهال ..اندمجت بسرعه وياه و البرنامج الوحيد اللي يخليها تيلس ..
يلست اشوف وياها كمن حلقه ..ما حبيته..كله يغنون و يرقصون ..ما فيه وايد اشيا تعليميه ..الحين ابغي بديل عن بارني يعني نفس الطريقه دباديب يرمسون و يهال بس تعليمي اكثر و ما فيه اغاني وايد …
بس الحين بيفتحون معرض الكتاب روحي وخذيلها الاشرطة التعليميه وايد حلوة في بالعربي وبالانجليزي وتلاقين منها سلسه كامله
وفيه حكايات انا خذتلهم مغامرات فرشاه ومعجون حلوة تضحك ومسليه في نفس الوقت
وفي اشياء ثانيه ما اذكرها
بس انتي روحي المعرض او اي مكتبه واختاري لها شي تعليمي
وقبل لا تشترينه اقري المغلف شو الاهداف التعليميه منه
ولاي عمر هالاشرطة مناسبه
ان شاء الله اكون فدتج الغاليه
بس اذا بعدج مصره اتغيرين فيه عندج تيلي تابيز أو توم جيري
وان شاء الله لاحقه على الاشياء التعليمية البحته
مشكله بنتي صعبه المزاج يعني ما تقتنع باي شي …و هالفتره بخليها تشوفه لين تكبر شوي و بغير لها اياه …
انا عيالي يحبونها وبعد يحبون قناة العفاسي وما شاء الله
حافظين الأدعيه وبعض الآيات والسور
أنا سمعت بعض المشايخ يقولون لابد من إبعاد الطفل عن
البدايات المضله ولا يقال هذا صغير ولا يعقل بل هي أهم
مرحله ويترسخ ما يراه ويسمعه في ذهنه .
والله يحفظها لج
