بنات انا مابي اشجع حد عل الغلط لكن صار اللي صار و عرفت واااحد , حبيته و حبني جريب 3 سنوات
و بسبب ظروفه ماقدر يخطبني و يا اليووم اللي كنت انتظره و انخطبت
اهلي رفضوه السبب الاولى الاصل ( هو مواطن بس اصله .. ) و صارت مشاكل شوي من صوب اهله و هو اكبر عني ب 12 سنه و انا اشوف هالشي واايد مناسب لي
اهلي عندهم الموضوع منتهي , لكن انا بعدني اباه و يبيني و نبا بعض بالحلال ليش الاهل يعترضون و يخلوونا نتجه للحرام , شو يعني اصل , حمد لله ريال و النعم فيه جامعي و متعلم و اهلي سالو عنه وماعليه كلام و اهم شي فاهمني و فاهمته و نحب بعض و
لكن بسبب المشاكل اللي صارت و اصله اهلي رافضين , امي ساعات تكون معاي و ساعات ضدي لكن يباله الموضوع نسكت عنه و تهدا النفوس و عقب يتقدم مرة ثانيه
عقب شهر ونص من الموضوع تقدم لي واحد , بعمري و انا اكبر عنه بعد باسبوعين و من الاهل
جامعي و متعلم ما عليه كلام شفته نظره شرعيه عشان مايزعلون اهلي لكن طول الوقت عيني بالارض و اصيح على عمري و هو مسكين يتحراني مستحيه و خايفه و ادمع عشاني خايفه من الموضوع
عقب اسبوع اتصلو ان عيبت الولد و اهله يبوني و مستانسين , عاد دوروني انا ميته من الصياح تخبلت
ماباه , ليش تظلموني و تظلمون الولد معاي حرام والله حرام.
امي كاسره خاطري تصيح تبا تفرح فيني و ابوي ياني غرفتي و حبني و قالي انسي هاك الانسان و حب راسي و ترجاني اوافق , والله مايهونون علي امي ابوي , ابوس ريلهم و شو مايسوون فيني انا راضيه بس حياتي هااي من حقي اختار الشخص اللي برتاح معاه , مب هاينين علي و لا انا هاينه نفسي علي
ابا افرح اهلي و انا بعد ابا افرح
صار لي شهرين مب راقده شرات الناس تعبانه من الموضوع القبلي و الحين طلع لي سالفه المعرس اليديد
اهملت كل شي عندي و ضعفت وااايد و التفكير ذبحني , ما اتخيل اتزوج انسان غير اللي اخترته
ادري كلام الوالدين و ادري كل شي قالو لمصلحتي بس ماقدر ماقدر ,
شو اسوي مع اهلي , هم مصرين عالموضوع لأنه يتحرون اني مش موافقه عشان الي احبه ويبوني اتزوج عشان انساه ولا افكر فيه و مب مصدقين وعدي لهم اني بنساه بس مابي اي حد يجبرني عالزواج الحين , ابي ارضي ابوي و امي ماباهم يزعلون علي اذا رفضت اللي ياني , انا اعرف نفسي ما اقدر اتحكم بعمري
هو يبا الملجه عقب رمضان يعني جريب شهر و نص , واملج
بنات نفسيا مش متقبلته والله مش متقبلته حتى ماقدرت اطالعه نظره شرعيه و اخاف املج و اظلمه
و اذا رضيت اتم على ذمته و نعرس بعيش معاه بجسد بدون روح
مابي اعيش بتعاااسه
ابي شي يقنع امي و ابوي و انا وعدت امي ان الانسان اللي اخترته انسااه و انا على قد كلمتي
بس اني اتزوج و هو بعده في قلبي فيه ظلم للطرفين و انا اعرف عمري .
كيف اقنع اهلي كيف ابين لهم ان بسمع كلامهم في كل شي بس الحين مابي اتزوج عشان ما اظلم اي حد
الي عندها نصيحه و تبا تراسلني عالخاص اتمنى باسرع فرصه
انا تعبت و ابي اريح ابوي و امي و هم دنيتي كلها مابي غير رضاهم و بنفس الوقت حياتي انا ابي اختارها
للعلم انا استخرت و الحين اهلي يبوني اوافق غصب معنه الموضوع ماصار له اسبوع
وصدقيني الحب الحقيقي هو حب الحرمة لريلها بعد الزواج
ويمكن لانه بدايتك مع البلوشي غلط عشان جي كانت النتيجة غلط
قبل كل شي فكري فلي يرضي الله سبحانه لا تخلين الشيطان يلعب بمخج ومرة ثانية اقولج الحرمة ما تحب غير الريال الي يتزوجها كل ما كان من ماضيها ينمسح بعد زواجها
اهل الي تحبينه رافضين واهلج رافضين لنفرض خذيتيه دائما بتم هذه النقطة موجودة اهله ما بيحبوج واهلج نفس الشي بتعيشين عمرج فمشاكل وجحيم لا تقولين لي حب ما حب هذه اشياء قبل الزواج بس لكن عقب ما تبدا الحياة الصح بتشوفين ويه ثاني للحياة وبتتندمين عاليوم الي خذيتيه فيه
فاستخيري ربج لا الخلق الله اعلم لج الخير وين
ودائما البداية بالغلط نتايجها تكون غلط
الله يوفقج للي فيه الخير
وفي حلمك مايسد الخلل ,وفي عفوك مايمحو الزلل
اللهم فبقوة تدبيرك وعظيم عفوك وسعة حلمك وفيض كرمك
اسألك ان تديرني بأحسن التدابير وتلطف بي وتنجيني مما يخيفني
ويهمني
اللهم لا أضام وانت حسبي ولا أفتقر وأنت ربي ,
فأصلح لي شأني كله ولا تكلني الى نفسي
طرفة عين ولا حول ولاقوة الابك
اللهم صل وسلم وبارك على سيدنا محمد وعلى اله وصحبه
ومثل ما قالت الأخت … الحب الحقيقي بعد الزواج
وهلج عارفين مصلحتج زين .. ولا تعارضينهم
وصلي صلاة الاستخاره واقري قرآن عشان ترتاحين .. وقطعي علاقتج بهذاك الريال
عندج فرصة تجددين حياتج .. وعيشي رمضان فعباده وفرح وإنسي موضوعه
خلاص لا تفكرين يحبج تحبينه هالأمور حذفيها من عقلج .. وكبري عقلج
مدام هلج رفضوا خلاص تركي كل شيء .. يمكن اللي بتاخذينه احسن عنه بوايد
عسى أن تكرهوا شيء وهو خير لكم …
حبيتي وافقي ع الريال اللي متقدم لج .. وتوكلي على الله ونبا نشووفج عروسه إن شا الله
الله يسعدج يارب ويوفقج فحيااتج ..
والسموحة 
صلي إستخارة .. ما خاب من إستخار
ويا عسى ربي يووووووفقج وينور دربج بالخير والسعادة يا رب .. ((إستعيني بربج)) ..
صلي إستخارة .. ما خاب من إستخار
