بنات عندي استفسار محيرني الحين كلنا نعرف الزواج رزق انزين الزرق يباله سعي صح؟ اوكي الريال يقدر يسعى للزواج لانه ريال وهو اللي يخطب ويدور واهله يدورون معاه بس البنت كيف تسعى للزواج؟ …
المشاركة الأصلية كتبت بواسطة صيد الخاطر 
و انا مع الاخت
لانها ماتركت وحدة من هاي الجنسية الا ولزقة فيها سواء عندها خوان او لا
وسبحان الله اتزوجت بس هو في نهاية نصيب
وفي وحدة كانت تحب واحد وخطبها بس امه ماكنت موافقة وفركشت الخطوبة
بس الاخت اخت شمة 
ظلت وراه لين ماتزوجته غصب عن امه بس ابوه طيب
وفي حريم مقتدرات يقدرن يخطبن لنفوسهن خاصة يوم يكونن عدن سن الزواج بسنوات ومافي نصيب وخاصة يوم يشوفن حد يستاهل
وبعد اتذكرت من فترة امي خبرتني صادفت وحدة في البنك وسالت امي اذا تعرف حد يريد يتزوج لانها تريد تزوج بنتها !!! يعني في ناس يدورون لبناتهن
و تسعى بالدعاء لله عزّ و جل ,, و بالنّهاية كلن منّا رح تحصل نصيبها ~
المشاركة الأصلية كتبت بواسطة شعاع امل بس الاخت اخت شمة ظلت وراه لين ماتزوجته غصب عن امه بس ابوه طيب
نحن ما عندنا لا حب ولا خرابيط هاي تعتبر علاقات محرمه فكيف يعني ؟ اروح ادور واحد واركض وراه والزق فيه كيف؟ واصلا انا ما اختلط برياييل ما اشتغل ولا عندي دوام قاعده في البيت اروح الشارع وادور واتعرف؟
