بنتى والاكل المطحون

بنتى عشر شهور احاول اعطيها اكل عادي صلب بس مب طايعه تبا مطحون اللى متعوده عليه شو الحل هى عندها كم من ضرس ارجوكم ساعدنى

حاولي تعطينها الاكل الصلب شوي شوي بين الوجبة المطحونة
والله يعينج

والله نفس بنتي
بس بنتي عمرها سنه و 4 شهور ماشاءالله
تاكل مطحون لكن بضرابه .. مب دوووووووووم
واكلنا القطع ماتاكله الا لقمه واللقمه الثانيه تفرها

انا ولدي نفس الحالة

كمل سنة ونص ياكل مطحون بس فجاة خلاص مووووول ما قام ياكله كل ما اعطيه يعقه برع

سويت له عيش لين و روب و اعطيه الحمدلله رد ياكل عادي حسيته خلاص مل من المطحون وييبا شي يديد ..

انتي اعطيها دام انه هالشي الي تاكلة

انا وايد قالوا لي بسه من المطحون عطيه صلب بس يوم هو ما ياكل من الصلب الا لقمة ولا لقمتين انا فضلت اعطيه مطحون وياكل كمية شوي …

شوي شوي غيري عليها ..

يعني سويه شوي مطحوون …

وان شاء الله تتقبل …

والله توني بكتب موضوع عن هالشي
بنتي اليوم كملت سنه واحاول اعطيها أكل صلب مب راضيه تخيلي احطلها بسكويت بحليب يستوي حبات صغيره جدا ومب راضيه تاكله كل مره تحاول تزاوع والله عقدتني وياها حتى شو اسوي وياها يعني بتم على هالحاله……
وبعد التفاح الناعم اشله من التفاح سيده وعلى حلجها مب راضيه تاكله متعوده عالاكل المطحون

شوووووووووووووووووووو اسوي وياها …والله ساعات اضربها….تقهرني
وماشاء الله بنت خالتي 10 شهور وتاكل من اكل العايله

ما يخصه حراااام لا تقارنووون عيالكم بحد… أنا اول بنتين عادي قبل السنه ياكلن الصلب بس البنت الثالثه لين كملت سنه و٣ شهور اذا عطيتها المضروب وفيه قطعه صغييييييره تزوعه الاكل كله كنت اموووووت قهر وكل الي في عمرها في عايلتنا يأكلون بس اقول بنتي غير ومسيرها بتاكل والحمدلله الحين عمرها سنتين فديتها وتاكل عادي….