أنا بنتي ماشاء الله عليها. بتدخل الشهر الثامن. ووزنها تقريبا 6 
ما خليت شي ماعطيتها فواكه وخضراوات وعيش مصري. وزبدة. وحليبها ابتاميل هذا يالي ناسبها.
تشرب حليب 120م تقريبا 4 مرات واحيانا اقل ولا اتزوعة.
وأعطيها اربع وجبات صغار. لانها زواعة وصياحة من تصيح اتزوع وكل يوم ع هل الحال. ومن اتسوي نبر2 اتزوع كل يوم 
اعطوني حل الله يخليكم. مش عارفة استأنس ف حياتي كم كثر مااحاتي
والسموحة ع المغثة
انا بنتي ما كملت 10 كيلو لين 12 شهر
خير بادن الله
اهم شي انها تتغذى التغذية الصحيحة وتشرب حليب
انا بنتي ضعيفة وايد. الحين عمرها سنة ونص و وزنها 11 كيلو
يمكن طبيعة جسمها جذي
انا بنتي طبيعة جسمها جذي على ابوها ضعبفة وماتمتن بسرعة
لاتحاتين
اهم شي انها طبيعية ودمها زين وتاكل بشكل طبيعي
خلاص اتري عليها. ان شاء الله بيتعدل وزنها وبيزيد
وحليب ابتاميل اوكي لاتغيرينه
انتي لاتضغطين عليها بالاكل وكل شوي تعطينها شي. مثلا ليش تعطينها زبدة. حطي فبالج انها تاكل اكل يغذيها مب بس يزيد وزنها
انتي اهم شي تجكي عليها عند الدكتور عشان تطمنين ومااتمين تحاتين
والله يحفظها لج يارب
وخففي وجبات الحليب عسب تاكل لان كثرة الحليب تسد نفس الطفل عن الاكل احيانا
الله يحفظها لج
بحاول اسوي كل يالي علي والباجي ع الله 
