تجاربكن مع الشنط المدرسية وجودتها

السلام عليكم خواتي
شو رايك م كل وحده تدخل الموضوع اتحطيلنا وين اشترت الشنط حق اعيالها
او خواتها وشو رايها بالشنطه كملت معهم السنه وتنصحنا من وين ناخذ الشنط
وشو السعر يعني باختصار ابغي اعرف تجاربكم مع الشنط وبالاخص الابتدائي

وعليكم السلام الموضوع حلو متابعه

رفع
رفع رفع

بصراحه جربت كذا مكان والاسعار متفاوته بس للأمانه السنه الي طافت شنط عيالي كنت اخذهم من سوق نايف – لانهن متنوعات فالدزاينات ويكونن على هيئه مجموعه كامله الشنطه والانش بوكس والمقلمه والسعر ولا اروع ويكرفن –

هل من مزيد
وينكم يا امهات

السنة اللي طافت أخدت حق بنتي شنطة صغيرة لانها كانت بالروضة من محل بمردف سيتي اسمه بوتري بارن وأسعارهم غالية نوعا ما
بس هنا السنه مترددة أني أخذ منهم لأني بغيت شنطة كبيره مع اللنج بوكس
بس شنطتهم جودتها عاليه ويكدن لين اخر السنة

هلا …

السنه اللي طافت أول كورس خذتله من هايبر بنده وأونه الشنطه من ديزني.. بس السير اخترب.. وإلا الشنطه ما استوابها شي.. والكورس الثاني خذتله من مكتبة دبي للتوزيع.. وبعد الشنطة ما عليها كلام وزينه..

بس أهم شي اللنج بوكس.. لازم يكون كبير شويه مب صغير خاصة اللي عيالهم في الكي جي..

السنه اشتريت من بيبي شوب.. كانوا منزلين شنط سبايدر مان الجزء اليديد.. وولدي اللي اختار الشنطه..

وعلى فكره .. أنا أفضل أن ولدي اللي يختار.. عشان يتشجع ويعرف أن المدرسه قربت ويتهيأ نفسياً.