تجربتي الناجحة و الحمدلله مع ريجيم عشرة كيلو بعشر أيام

السلام عليكم

أخواتي انا عملت ريجيم 10 كيلو في 10 ايام صاحبة الموضوع الأخت bnt al3rb

على هذا الرابط

https://forum.uaewomen.net/showthread…errerid=116294

و انا استوت لي ظروف اليوم و ما كملت انعزمت و ما اقدرت ما اجامل الناس و اكل

و الأخت bnt al3rb تبي تبدا فيه

و ياريت تفتح موضوع يديد لنبدا من يديد

و هذه اخواتي يومياتي في هذا الريجيم الفنان

ابتديت من تاريخ 4-7-2017

اليوم الأول

الوزن 74,4

هذا اليو ماء فقط و مسموح قهوة و شاي

اليوم الثاني

الوزن 73,2

عصير برتقال فريش

اليوم الثالث

الوزن 71,8

عصير برتقال مع برتقال فاكهة

اليوم الرابع

الوزن 70,9

زبادي خالي دسم

اليوم الخامس

الوزن 70

الوزن تفاح فقط

و للأسف اليوم اتعزمت و ما قدرت اكمل عشان جذي ودي ابدا من باجر من يديد

و الله العظيم أخواتي هذا الريجيم رووعة

هو صعب و متعب وااايد بس الهدف الي نبي نوصله يستاهل انه نتعب شوي

انا هذه تجربتي

و بتمنى الأخت bnt al3rb تفتح موضوع يديد

و باجر انا ببدا ادري انه اليمعة لازم اكمل

و خلنا نبدأ الريجيم مع بعض و نشجع بعض

و النتيجة تستاهل

و الله يوفقكم و يوفقني يارب و اوصل 65 اخر الشهر

ادعوا لي اخواتي بسافر ويا ريلي و ابي اكشخله

ان شاء الله بتكشخين لريلج وتوصلين للوزن اللي تتمنيه ^_*

مشكوررره حبيبتي

مبروووووك الغااليه
وان شالله من بااجر ببدأ ويااج
لاني ابا على آخر الشهر يكون وزني 65

بس بااجر بنبدأ بشوو ؟

ان شاء الله حبيبتي الله بوفقنا

و باجر بأذن الله بس ماء و مسموح قهوة وشاي أخضر

و ان شاء الله ودنا نستمر و نكمل لنهاية ان شاء الله

إن شاء الله تحققون اللي براسكم و تصولون للوزن المناسب لكم

و بالتوفيق لكم

ووووايد صعب خففي الاكل مع اشويه رياضه وبتخفين