تجربتي مع الخلطة الصابونية

سلام عليكم و رحمة الله و بركاته
شخباركم بنات
بكتب لكم اليوم عن تجربتي للخلطة الصابونية
انا وااايد قريت عنه في النت فقلت بجرب و بسويه و اكيد ما راح ينفع
بس انا كنت غلطانه … الخلطة واااايد اوكي
انا الي سويته كالتالي
يبت صابون الكركم الي عند العطار
و صابون الغار
و صابون الطاووس مال زيت الزيتون و بشرتهم
و بعدين يبت جدر و حطيت فيه كوب الي نشرب فيه الكوفي ماي ورد و حطيت وياه ملعقة كركم بودرة للجسم و ملعقة ملح و بعدين عقب ما ذاب الملح حطيت الصوابين و تميت اخلطهم ويابعض ليييين ما ذابو . عقب يوم بتحسين ان قام يفور و تطلع فقاقيع في الخلطة شليت الجدر و حطيت فيه ملعقة زيت الزيتون و ملعقة زيت الخروع مع ملعقة من النشا و تميت احرك و احرك و بس
بعدين يبت علبه مال حمام زيت للشعر فاضيه و حطيت فيها الخلطة
و كل يوم يوم اسبح اول شي ارش ماي دافي على جسمي و بعدين احط الصابون على جسمي و اخليه 5 دقايق و بعدين ايلس افرك بايدي و يا الماي
و بعدين ساعات اغسله بالماي و بس خلاص
و ساعات اييب الليفة العادية مال الجسم الي نفس مال لوكس احط فيه صابون دوف لشد الجسم و انا من قبل خلطة في هالصابون خل تفاح ..احط الصابون على الليفة و ايلس افرك و بس بعدين اغسل بالماي
و ساعات ادهن جسمي مرة ثانية بالصابون المغربي الاسود على الخلطة الصابونية و افرك بالليفه المغربيه و اغسل بالماي و بس
و عقب ما اطلع من الحمام احط على جسمي كريم فازلين بزبده الكاكاو
انا ما تعيبني ريحه هالكريم و احسه لزج فشو سويت حطيت فيه الرش مال الجسم المعطر ما اعرف شو اتسمونه هو اسمه بالانجليزي : body fdantecy
هذا الي يي بعده اشكال و الوان ..انا حظيت الي مال التفاح
و طلعت ريحه الكريم اتينن

و الحينه اني للنتيجه الي انا حصلتها
انا استخدم الخلطة الصابونه من 3 اسابيع يمكن
و حسيت ان لون جسمي بدا يفتح و يتوحد
انا بيضة اصلا بس عندي اماكن غامجة و اماكن فاتحه
و لاحظت ان اللون فتح شوي
خاصة بطني
انا الحينه حامل في الشهر السابع
و من دشيت الشهر الخامس بديت الاحظ ان لون بطني و خصري بدا يغمج
بس الحمدلله الحينه احس ان اللون بدال ما يغمج قاعد يفتح
وااااااااااايد فرحااانه
و هاي كانت تجربتي حبيت اني افيدكم
بس يا بنات الذا انتو بعد امجربين شي من الخلطات و فادكم اكتبو عشان الكل يستفيد
و السمووحه

بنات اسم الرش مال الجسم الي اخلطة ويا كريم فازلين بزبده الكاكاو هو : body fantasies
و اخلط ويا صابون دوف لشد الجشم شويه من خل التفاح
و في شي ثاني بعد
هاي الاشياء اتكون مخلوطه من قبل يعني ما ايلس اخلط يوم اباه
و اذا ما فهمتو شي انا جاهزة ارد عليكم
عالعام احسن عشان الكل يستفيد
و شكرا

جااري التطبيق

أسمحيلي أنقل تجربتج الى موضوع موجود عندنا في القسم عن الاشيا اللي العضوات جربنها ويابت وياهن نتيجه

مشكورة اختي على الرد

مشكورة اختي على النقل بس وين هالقسم ؟؟

الله يازيج..كل خير
ويعطيج العافيه