الوسم: الصابونية

و الحينه اني للنتيجه الي انا حصلتها
انا استخدم الخلطة الصابونه من 3 اسابيع يمكن
و حسيت ان لون جسمي بدا يفتح و يتوحد
انا بيضة اصلا بس عندي اماكن غامجة و اماكن فاتحه
و لاحظت ان اللون فتح شوي
خاصة بطني
انا الحينه حامل في الشهر السابع
و من دشيت الشهر الخامس بديت الاحظ ان لون بطني و خصري بدا يغمج
بس الحمدلله الحينه احس ان اللون بدال ما يغمج قاعد يفتح
وااااااااااايد فرحااانه
و هاي كانت تجربتي حبيت اني افيدكم
بس يا بنات الذا انتو بعد امجربين شي من الخلطات و فادكم اكتبو عشان الكل يستفيد
و السمووحه

المشاركة الأصلية كتبت بواسطة فطامي_الدلوعة

جااري التطبيق

مشكورة اختي على الرد

المشاركة الأصلية كتبت بواسطة mischocolat

أسمحيلي أنقل تجربتج الى موضوع موجود عندنا في القسم عن الاشيا اللي العضوات جربنها ويابت وياهن نتيجه

مشكورة اختي على النقل بس وين هالقسم ؟؟

اليو قررت أكتب الخلطة الصابونية إلي أنصح فيها بنات حواء و الله و ربي على ماأقول شهيد إنه جسمي اتغير صاير لونه مرة حلو و يديني فتحت و صارت جنان ما شاء الله خايفة أحسد نفسي تعرفوا ما يحسد المال إلا أصحابه
داحين نجي لخلاصة الكلام
الخلطة هي :
الخلطة الصابونية لتبييض الجسم و نظافته وتشيل مسامات الرجل وتغني عن الصنفرة الخلطة: توحد اللون_تنعم_وتشيل مسامات الرجل و الساق
صابونه الكركم ————————- تبييض+ نظافة+ تشيل الحبوب الدهنيه بالجسم
صابونه الغار————————— تبييض + نظافة وتشيل الحبوب وتصفي
صابونه البابايا ————————– تبييض + تشيل الحبوب وتوحد اللون
ماء ورد ——————- ترطيب نعومه تبييض
ملعقة كبيره ملح خشن —————— تطهر الخلطة + نظافة
ملعقة وسط نشا————————– تبييض + لتماسك الخلطة طريقة عمل الخلطة :
نبشر صابونه الكركم وصابون الغار و الصابونه السحرية وصابونه البابايا
نبشرهم ونضعهم في صحن و نتركهم
نأخذ قدر صغير( وسط ) ونحط فيه ماء الورد ونضع الكركم ثم الملح خشن ونحركهم ونضعهم على النار وإذا سخن قليلاً بس الماء نضع الصابون كله مع بعض ونحركه سوف نلاحظ انه على طول و يذوب مع ماء الورد الحار ونحرك لحد ما يندمج ويصير مثل الخلطة
وعندما يذوب وتتكون الخلطة وإذا سخنت الخلطة وبدت تبقبق قليلاً نحركها و إذا لاحظنا أن المكونات اندمجت مع بعضها وصارت على شكل خلطه نرفعها من النار ونضع النشا على طول وهي حارة على الخلطة ونحركها جيداً
ثم تكون الخلطة جاهزة نفرغها بس في علبه بغطاء ونغطيها ونتركها حتى تبرد ثم نستخدمها عادي وسوف تكون مثل أي صابون عادي
طريقة استخدامها:
مع كل استحمام استخدميها نأخذ كميه في اليد ونفرك فيها الجسم كامل ومع الوجه حتى الرقبة والمنطقة الحساسة والإبط ونخليها من 2- 3 دقائق أو أكثر ونغسلها
وبعد الحمام ندهن الجسم بأي كريم مرطب للجسم عشان تزيد النعومة
و بعدها ادهن بكريم المسك و طريقته
مكعبة مسك مطحونة و 3 ملاعق جلسرين سائل ( من الصيدلية)و زيت زيتون الكمية إلي تخلي الخلطة مثل الكريم و أحطها في علبة بغطا و كل يوم قبل النوم ادهن فيها و الله ترطيب و ريحة جنان و تفتيح تنفع للمتزوجات
و لوجهي احط كريم بودي شوب فيتامين E
و و لإيدي قبل النوم ادهني بخل التفاح الممزوج بالجلوسليد الأحمر الجامد + زيت اللوز + زيت جنين القمح المقدار أنت تحدديه ستعطي نتائج جدا رائعة لكن يجب أن يكون كل ليلة قبل النوم ويجب ترطبيها باستمرار وفي الصباح يدهن بواقي شمسي
و باقي اليوم
ملعقة ونص عسل
10 ملاعق كبيره ماء ورد
6ملاعق كبيره كريم جرجنز لوشن التفتيح
نص ملعقة صغيره خل تفاح
يسخن العسل على نار هادئة حتى يسيل تماما ثم تخلط معه باقي المكونات ..
وتحفظ في علبه وتستخدم يوميا أو عند اللزوم ..
و إن شاء الله أفيدكم و ماأضركم
وماأبغى غير الدعاء الله يفرج همي و يسر أمري ويحقق منايا إلي في بالي و يشفي أخوي يارب و يفرج هم عمي يارب

منقول لعيونكن الي سالن عن الموضع الاول عن الخلطه الي كانت تمدحهاااا الحرمه

وبتلاقن الاغراض عند الخاجه او اي عطار وناويه اسويله زياره خخخخخ ابا اجربها بصراحه واايد يمدحنهااا في كل المنتديات

يالله دعوااتكن

بس ما قلتيلنا شو هي الصابونة السحرية ؟؟؟؟

يلي عرفته إنه في صابون الكركم والغار والبابايا
أما السحرية ما طريتيها؟؟؟؟؟؟؟؟؟؟؟؟

ام سلطان انا بسال عنهاا عند الخاجه

المغتربه بخاويج بس صبري ماسرت ايب الاغراض ههههه

انا سويت الخلطة الصابونيه وحبيت اعرف اذا جي يستوي لونهااا ولا ؟؟

لا تستغربوون من شكل العلبة لان يوم حطيت الخلطة كانت حارة ف استوت العلبة جي

لكن

اختي غلطانة بان تحطين شي حار في علبة بلاستيك ، لو كنت مكانج اتخلص من الحالية واسوي لي وحدة ثانية يديده ، واحطها في علبة زجاجية ( او بلاستيكية بشرط ما تكون الخلطة حارة )

الصراحه تطلع الوان واشكال انا كانت اغمج يعني على البني

بالتوفيج

وااااااااايد اسمع عن الخلطة الصابونية ياليت اعرف شوة الفايدة وصدق تبيض وتنعم ولا

نتريآ الردود و نشوف !

فديتكن بنات انا البارحة حطيت موضوع وبحط هذا اليوم
لانيه بسافر اخر الاسبوع الياي ومابفظى ازهب صور واكتب واعبر للاسف
لعيون الي طلبنّه مني بسدحه الحين

هالمرة بنتايجي انا استخدمتها الشهر الي طاف كله
ماحبيت استعيل بالطرح قلت اشوف النتيجة ومن ثم اخبركن

ترانيه بيضا بس حالي من حال اي بنت مع الاهمال يتغير اللون ولا يبهت
واهملت نفسي عقب الظروف الي صارتليه والنفسية الارف بس لله الحمد

بديت ألحق ع عمري وارجع مثل زمان
قبل اي شي عزيزاتي انا لاني بدكتورة ولا فيلسوفة , من ايام المراهقة وهذا حالي
افتر مابين الاعشاب والامور الطبيعية وأخبص بعمري لين ماستويت اعرف ولله الحمد

الي تشكك فكلامي ومواضيعي ماله داعي ترسل رسايل بكلام مادري كيف بالقليل جربي قبل الحكم
انتن مخيرات مب مسيرات

عموما مابي اطولها <– توج حسيتي

وللمرة المليون اقول هالخلطة مب للعيازات تشجعن ياخي , الي يبا الشي يتعناله
مب كن فـ يكون الله يهداكن

المكونات مب ايات منزلة عسبة الي ماعندها تكنسل الموضوع
حاولي تستبدلين بأي شي مفيد

اراويكن النتيجة ولا عقب المكونات <– لازم لعب أعصاب
الي بتنشدنيه من وين يبتي ها وذاك بقولكم وبأختصار
انا اروح العطار وهدايا العين وقسم كلهم ع بعضهم مايخسرونج اكثر عن 100 درهم
ويتمون معاج لشهور وشهور بالاستعمال الفردي وحتى لو لخلطات يكفن ويوفن
روحن هناك وخمنه خم بالدرزن ولاتقولون رخيص يعني مب شي بالعكس هذي النوعيات الي تنباع فكل مكان
اللهم فرق فالسعر وشوفن الصنع وين وجي

المهم
هذي المكونات بشكل عام

صابون بابايا + صابون غار + صابون زيت زيتون بالليمون + صابون كركم

صابون الطاووس + صابون الحليب

صابونتين طين البحر الميت (وحده للبشرة الدهنية والثانية لمعالجة البشرة )

صابون الحبة السوداء + ملح الحليب + نيل + كركم ( للجسم )

زيت لوز + زيت خروع

ماء الخزامي + ماء ورد

ملاحظة : في حد يحط 9 كبسولات فيتامين انا الصراحة ماحطه لاني افضله فالاكل والشرب الفايدة داخلية وخارجية

السموحة نسيت اصور الليفة والكريم

جليسوليد <– بو قوطي احمر مدور

خلصنا المكونات انيي للطريقة :

نقص من كل صابونة ربع القطعة تقريباً او نص ( ع حسب الكمية الي تبينها )
ونبشرهم ,,

عشان نذوبهم في طريقتين

اما تحطين بشارة الصابون مع ماي الورد يوم كامل لين يذوبون بروحهم
او تسخنين ماي الورد في جدر وتحطين البشارة فيه لين يذووب

انا استخدم التسخين اسرع بس اللون يكون اغمج

نرد نعيد
نسخن ماي الورد ومن ثم نحط ملعقة ك ملح الحليب وملعقة ك كركم
ونخلطهم ومن ثم نحط بشارة الصابون ونحرك ونخليه لين يذوب

شوي وبتحصلينه يثور حركي وحركي لين يذوبون امرة
نشل الخليط من عالنار ونحط ملعقة ك نشا ونخلط ملعقة كبيرة نيل مع الجيوسليد ونحطهم فوق الخليط

اذ حصلتي الخليط ثجيل او مب ذايب هاتي الخفاقة الكهربائية واخفقيهم
وزيدي ماي ورد ع حسب ماتبين ليونته وفي الاخير لج الحرية تزيدين زيت لوز وزيت خروع
بس ع شكل قطرات لاتزيدين اكثر عسبة الزيت مايفصل مفعول الخلطة ع البشرة

هاتي علبة بلاستيك وحطي الخليط فيه واحتفظي فيه
فديتكن اللون عالنار كل ماله ويغمق اخويه لما جافه قال شو مسوتنها فالعلبة
عاد سرت وغطيت العلبة بكيس ههههههههههههههههههه ترى جد لونه غاامج بس ع الجسم يكون اصفر
بيتم معاج ومابيجمد ومابتخرب ان شاء الله دامج بتستخدمينها خلال شهر واكثر

انيي للطريقة :

تاخذين وياج العلبة مع ليفة الكسال
وتتسبحين بماي حار ع حسب احتمالج او تسوين حمام بخار ( سونا ) لفتح المسامات
خذي كمية من الخلطة الصابونية وفركي فيها جسمج مع تدليك ( فكل بقعة ) وخليها من 5 دقايق لـ ربع ساعه
وتسبحي بماي حار بعد ومن ثم فركي بالليفة
شوفي الوصخ الي بيظهر وريحة الجلد الميت كيف بتكرهين عمرج

أهم شي . . خفي يدج ع المناطق الحساسة لا تشدين حيل حيل

وتغسلي بماي دافي وكل شوي زيدي ع البارد لين خلاص ماتتحملين البرودة وطلعي
اذ حسيتي جسمج منشف تدهني بزيت لوز كامل
واذ حسيتي جسمج لين وملمسه اوك تدهني بلوشن كاكاو او اي لوشن تفضلينه بشكل خفيف
المهم مب بـ مكونات صناعية قوية بس الاماكن الحساسة خليها بزيت لوز او زيت زيتون مع ليمون وجلسرين
( يفضل تسوين ها كله قبل النـــــــــــوم)
ولا طولين وايد مابين السبوح والدهان ,
وبـ جذي نكون خلصنا كل شي , حمااااام الهنــــــــــــــــا
فديتكن الاستعمال يومياً مرة وحده فاليوم , اما الفرك يكون يوم هي ويوم لا
او يومين بـ يومين لان الليفة قوية حبتين الا اذ استبدلتيها بالليفة الناعمة الي مثل جي
مالت بودي شوب او الي اتيي مع لوشن دوف اما السونا خلوها مرتين فالاسبوع فقط
عادي للجسم والويه ,,
طولت عليكم صح !
وهذي النتيجة يطولي بعماركم ومراحل تفتح يدي
والصور بدون فلاش عسبة يبان اللون اكثر
لو تلاحظون في علامة مكان حرق بـ يدي تؤكد =)

بالاول كان باهت ومن ثم مال للحمرة ومن ثم بدا يرجع لـ لونه ومن ثم البياض الي كنت ابيه
ولله الحمد ربيعاتي كلهن وخواتي وحتى امايه يسوونها حالياً عقب ماجافوا النتيجة
ومرتاحين للنعومة والنظافة ون شاء الله يرضون بالنتيجة
طبعاً دايماً انا الي اخترع او هم واكون فار التجارب فالبيت خخخخ ,, دام كل شي طبيعي ماقول لـآآ

ع فكرة وحده من ربيعاتي سمرة يعني مب بيضا ولا حنطية , قالت تفتحت بكم درجة بسيطة وواضحة
بس لون جسمها توحد , الحمدلله والله استانست لما شفتها مستانسة كانت دوم تغمضني لما تقول
ان خلطات التبييض ماتنفع السمر ومستحيل يتغير اللون

وارجع اعيد الي يبا الدح مايقول اح باختصار تعنوا لجمالكم عسبة ترضون ع انفسكم
واتبعوا الخطوات عشان تشوفون النتيجة الطيبة =)

بالتوفيق ياااااااااااارب للجميع , مودتي

والنتيجة روعة ما شاء الله

يسلموووووو

اشكرج من كل قلبي على موضوعج الحلو

شحالكم ^^

طبعا الأغلبية يعرف عن الخلطة الصابونية
بس بغيت أعرف منو جرب هالخلطة
انا اللي اعرفه انه تبيض وتشيل السواد بس بغيت اعرف اكثر عنها
ياليت تفيدوني حبايبي ^.^

•••••
••••
•••
••
•

^^

يمكن النظافة صراحة تغنيج عن الصابون المغربي وريحتها ارحم من المغربي وحلوة صدق تنظف الجسم اما تبيض لا ..