مرحبا خواتي انا اليوم متضايجه من سالفه استوت لي مع اعز لناس لي………..اختي العوده.!والله ياخواتي افكر شو استوا عليها ما ادري؟من جم يوم كنا راديين من العمره وفالمطار صار بينها وبين الوالده مشكله بسيطه وتافهه .انا قلتلها لو خليتي اغراض الوالده فييديج وما حطيتيهن فالشنطه لا يتكسرن لكن الله يستر .زعلت وانا ما ادري …انها حطت فخاطرها عقب ركبنا الباص عسب نسير الطياره وكان الريايل قاعدين ع الكراسي ,وكلنا نعرف ان الكراسي من حق الحريم ؟؟انا وامي يلسنا وشفت اختي واقفه جان اناديها عسب تيلس عدالي وقومت الريايل وما قصروا قاموا الا اشوفها معصبه وتاشر الهم يلسوا وعقب شوي نزلنا من الباص ييت عدالها واقولها من حقج تيلسين اصلا القانون ان المقاعد للنساء جان اتعصب وادزني وتسكت شو رايكن فهالسالفه ؟خبروني شو رايكن وبكمل باجي السالفه…….لان الي صار عقب اخس من جيه …..؟!
احسه موضوع وايد عادي شو المشكلة
ها خلاف بسيط ويمكن هي حساسه شوي زياده واتضايقت
حبيبتي كملي السالفه عسب نفهم شو هي المشكله
عادي دوم خوات جيه
اهئ اسلوبها عصبي ؟!
يمكن مضايقه بسبب السالفه بين امج وبينها
وانتي بعد عصبتي فيها لانها فهمتج غلط
فعاملتج جيه
فقدري موقفها حبيبتي
ومهما كان هذي اختج العوده صبري عليها وع تصرافاتها واذا تقدرين حاولي تفهمينها انه طريقتها وياج هب حلوه وهالشئ زعلج واعتذري
بتسكت وبتراضيج ان شاء الله
والله لا يفرقكم من بعض
وانتي لا تكدري خاطرج امور في الحياه تحصل عادي
اختي شو السالفه ما فهمنا من كلااامج شئ
شو بالاقصاد … الين الحين المشكلة ما فيها شي مجرد خلاف يصير بكل مكان ومع كل حد ^^
