تذكر؟ وعدك يا يدي

تذكر ؟ يوم قعدتني بحضنك وانا طفله ؟
وقلت لي بتظل وياي الى ماكبر
وقلت لي -وعد مني يا بنتي اذا طال الزمن وقدرت
انا فالزفه بزفج ، وعيالج فحضني مكانج بلعبهم
وقلت لك ببرائة الاطفال يدي بتلعبني مع عيالي ؟
قلت لي من عيوني يا بنتي .
يدي وربي ما نسيت سوالفك وياي ؟
يدي ووعدك لي ؟
يدي ما مليت من الاجهزه
ومن الابر والادويه
و ريحة المستشفيات
يدي دومك قوي .. والرياح عمرها ما هزتك ..
يدي ليه يهزك المرض ؟
يكفيك يايدي التعب
يكفيك يا يدي المرض
يدي تكفى ..
لايهزك المرض ..
يدي مو قلت بتزفني ؟
ومع عيالي بتلعبني ؟
يدي اشتقت لك !
يكفيك المرض ، اصحى واترك المرض للضعاف
مو انت القوي
اللي ما يهزك ريح ؟
قوم واثبت لهم ان المرض يهبي يأثر عليك ..
يدي انا انتظر رجعتك
وانا واثقه بقوتك ..
وقبل ما انهي كلامي ،
طلبتج يا عافيتي في جسد يدي اسكني

دمعت عيوني ….
ييتي عالجرح ..يدي و يدتي الله يرحمهم و يسكنهم فسيح جناته…

و لا ينسيني ذكراهم .. أني أقولج ..روعة ماشاء الله ..و طرح فعلا موفق …

الله يشفى مرضانا ويرحم امواتنا يارب

ربي يشفي ويرحم جميع مرضى المسلمين
اثرت فيني مشاعرج لكن الواحد يقول الحمدلله

الله يوفقج

لا اله الا انت سبحانك اني كنت من الظالمين

جميل رائع نعووم
يدخل القلب اللهم اشفيه وعافيه..