تطبيفي لـكيكه الكاكاو مع صوص الشوكولاه صور

السلام عليكم والرحمه

اشحالكم علومكم يعلهاا علوم الخير

هذي الوصفه
https://forum.uaewomen.net/showthread.php?t=306428

هني بتصويريً ^^"
قبل كل شي طعمهآآآ فنُ فنُ خصوصاً بالكاكاو^^" >ياحبهآآآ لهالسوالف^^"

المقادير

كوب 1 طحين متعدد الاستخدامات رقم واحد
كوب 1 سكر بودره
نص كوب زيت
بيكنج بودر ملعقه صغيره واحده
بيكربون صودا ملعقه صغيره واحده
فانيليا ملعقه صغيره واحده
بيضتين 2 على درجه حرارة الغرفه يعني تطلعونه من الثلاجه من فتره
علبه زبادي او الروب الصغيره الي فيها 180 غرام على درجه حرارة الغرفه
4 ملاعق كبيره بودره كاكاو

وصينيه مدهونه بزبده أو بورق الشمع على كيفكم
ونشغل الفرن عشان يكون ساخن يوم نخبز الكيكه لازم

نبدء بطريقه

نخلط الطحين و بيكنج بودر وبيكربون صودا مع بعض ونخليه على جنب

وفي خلاطه العصير نكسر البيضتين ونضيف عليه السكر وفانيليا وزيت وزبادي
ونخلطه زيت الي يصير مثل سائل ابيض مثل مافي الصور

ونضيف عليه الكاكاو ونخلطه في الخلاطه الين يمتزج الخليط ويصير مثل صوص الشوكولاه
ونصب الخليط في وعاء شوفو كيف صااار

شوي شوي نضيف عليه خليط الطحين ونحركه الين يمتزج كله

ونصب الخليط في صينيه الخبز انا احطيت ورق الشمع وندخلها الفرن الساخن مسبقاً
على درجه هاااديه

ولحين خلونا نسوي صوووص الشوكولاه

نحتاج الي ثلاث جالكسي من الحجم الصغير او واحده من الحجم الكبير((

انا افضل شوكولاة الكادبوري))

علبه قيمر الصغيره

نذوب الشوكولا في حمام مائي ساااخن بعد مايذووب نصب عليه القيمر ونخلطه زين
الي تصير عندنا صوص الشوكولاه السااائله مثل مافي الصور

نقبل الكيكه في صحن التقديم و نصب صوص الشوكولاه فوق الكيكه

ونزينها على حسب الرغبه باللوز أو الفستق أو اي شيء انتو تحبوون تزينون فيه

ومن الداااخل بد التقطيع

وبالعافيه عليكم