اليوم يبت لكم كيكة عجيييييبه …. وترا اول مره فحياتي امدح شي انا اسويه ^_^
كل مره اذم او انقص من قدر اللي اسويه حليله …. بس هالمره عن جد الكيكة كانت روعه
واهم شي اني استخدمت كريمة وكانت خفييييفه فالاكل … مب شرا باقي الكريمات الدسمة…
لاني انا ما احب الكريمات الدسمة… ودايما اشل طبقة الكريمة من عالكيك … بس هالمره لالالالالا
هالمره كانت حلات الكيكه بالكريمة ….
المهم بسنا مدح وندخل فالتفاصيل ….
اول شي تسوين اي كيكه معتمده عندج … او جاهزة …
وانا لاني اول مره اسوي هالوصفه . فسويت كيكة جاهزة يعني عالسريع وماتعبت عمري …
بس تمنيت اني سويتها بنفسي عشان كل شي يكون شغل ايدي ^_^ …
المهم
قطعتها 3 اجزاء وخليتها فالثلاجه لليوم الثاني لاني ماكنت متفيجة ….
المهم نبدأ بمقادير الكريمة اللي تستاهل المدح بصراحه .. ادري ذليتكم بس برايكم محد قال ادشون
والكريمة تراها تستاهل يا جماعه <<< مذله ههههههههههههههه …
المهم وبختصار
هي عبارة عن كريم باتسيير و كريمة خفق وجلاتين وانتهت السالفه هههههههههههههه …
وانا مسوتنها سالفة طويلة عريضه … بس تراها تستاهل الطول والعرض <<< رديييينا لووووول
نبدأ العرض
لكريم الباتسيير تعبت وانا ادور وصفه حلوة وسهله … وتميت بالايام ادور وادور …
وعقب حصلت وحده مكتوب عنها "كريمة باتسسير الفرنسيه" … وقلت بس هاي هي المطلوبه …
وعقب يوم سويتها انصصصصصصصصدمت الصراحه
لا باتسيير ولا كمونتاليفو ولا حتى ميغسي بكووووو …
يا جماعه طلعت هالباتسيير هي المهلبيه ههههههههههههههههههههههههههههههه …
صدقوني مهلبيه بس زياده بيض >_< … يعني نحن العرب اللي مخترعين هالطريقه مب قوم تاليفوووو
شوفوا الطريقة والمقادير وبتكتشفن بنفسكم …
3/4 كوب حليب
1/4 كوب سكر للحليب
2م نشا
1/4 كوب سكر للنشا
م فانيليا
1 بيض "نسيت اصورة"
2م كاكاو بودرة "بعد نسيته"
اول شي تحطين السكر + الحليب عالضو لين يسخن …
وبهالوقت نحط النشا والسكر مع بعض
ونخلطة شوي
ونحط فوقهم البيضه ونخلطه عدل .. مايحتاي الخلاط الكهربائي
وفوقهم الكاكاو
وعلى مانخلص يكون الحليب سخن …. نشله ونصبه عالخليط ونحركة بسسسسسسرعه عشان مايتكتل البيض …
وعقب تحطين الخليط عالضو وتكون هادية لين يغلظ قوامها وتستوي مهلبيه .. اقصد باتسيير خخخخخ
هاه بذمتكم مب نفس المهلبيه؟؟؟…
وتحطينها فالثلاجه لحين الاستعمال ….
اما كريمة الخفق فمايحتاي بعد … بس اللهم تخفقين الكريمة وتحطين سكر بودره منخول وتحطينها فالثلاجة لحين الاستعمال
…
هني انا حطيت العده شوي فالثلاجه عشان يكون كل شي باارد … تعرفون حر وكل شي بسرعه يسيح
المهم نكمل ….
نطلع الباتسيير من الثلاجه وخفقها شوي بالخلاط الكهربائي ….
نذوب ظرف جيلاتين في 1/4 كوب ماي دافي …. لازم دافي .. مب حار حار … اذا كان الماي حار وايد بيفقد الجلاتين خاصيته
بالتماسك …
ونصبه عليه … ونخلطه
وعقب نحط مقدار كريم الخفق للخليط ونخلط وبجي بتكون الكريمة زاهبة ونبدأ بالكيكه …
نحتاج ل1م نسكافيه نذوبة في 1/4 كوب ماي عشان نشرب الكيكه …
ونبدأ اول شي طبقة كيكة وعقب نشربها وعقب طبقة كريمة لين نخلص الكيك …
ندخلها الثلاجة يوم كامل عشان تتماسك ….
وعقب نطلعها ونزينها …
انا استخدمت للوية كاكاو بودرة .. وبشرت عليها شوي من هذا…
وعالاطراف كسرت هالبسكوت بس شليت اللي فالنص … مايخصكم بجبس عمان ههههههههههه
وهذا شكلها النهائي ..
والطعم لذييييييييييييييييييذ مثل ما قلت ….
وناوية اجربها المره اليايه بالفراولة ان شالله ….. بس نبا تشجيعكم ….
ههه حبيت مقدمتج . .
مم’ . . آلكيكه شكلهآ يشهي خصوصاً آخر لقطه قبل مآ آدخلينهآ آلثلآجَه . .
وآلتزيين حسسني آنه آلكيكه عذآآآب . . خآطريه فـ قضمه . . ؛ < [ وحدهـ مسويه ريجيم إعذريهآ ]
تسلم يديج ع آلشغل آلغآوَيْ حبيتهْ . .
وإن شآ آلله نشوف يديدجْ : )
* * * * *
وانا عن نفسي اموت في اي شي فيه كاكاو
تسلم ايدج ^_^
تسلم ايدج
المشاركة الأصلية كتبت بواسطة المقر 
.gif "55 (8)")
مواليد شهر 3 
