شوفووو شو استوا باول يوم العيد وانا مستغربه من الحركه الي استوت..بقولكم القصه من البدايه..
انا كنت ساكنه بيت عمتي قبل..او يوم كنت هناك فجاءة اشوووف بنت فالصاله جان اسلم عليها وقالولي هاي ربيعت عمتي..بس البنت صغيره فا ما حطيت في بالي..استوا الفليل اشووف البنت بتبااات استوا اسبوع شهر شهرين ثلاث لا البنت موجووده واثناء وجووده سوت كذا مشكله إلا مره اتقول فلان يسويلي حركات حتى ريلي تبلت عليه المهم انا كنت جدا عاديه وياها ما يخصني فيها..
المهم كانت تيلس يا حميه تقريا عمره 20 سنه وهي عمرها 24 سنه تيلس وياه وسوالف وحركات لين ما الصغاريه الي هم اخوان ريلي خبرو امهم…وحتى ريلي لانه اكبر واحد فا سار قال حق امه ما يستوي البيت فيه صغاريه وبنت وحده اتشووف كل هالحركات تستوي في فالبيت والام راضيه المهم عمتي شكلها عادي عندها فا ما سوت شي زقرتهم الاثنين فالحجره وما ادري شوو قالت وطلعت وثاني يوم جان اتقول س و م بيملجوون هالخميس…وترينا شهر كامل وهم ما ملجوووو عههههه بس عسب ريلي واحنا نسكت يوم انشوف حركاتهم وطبعا استغفر الله حركاتهم زاادت بزياده ييلسون فالسياره وحركات جنهم مالجين..
سالت ريلي قلت شو سالفت هاي البنت وليش عمتي يايبتنه وتصرف عليها..
طلعت البنت اتحب واحد او يوم ابوها عرف ضربها ضرب وسارت اشتكت عليه فالشرطه ف ابوها اتبرا منها وعمتي اخصائيه اجتماعيه فا يابتها بيتها طبعا غلط في غلط لانه غريبه..
المهم انا وريلي طلعنا من بيت عمتي لان ما عجبنا الوضع دام عمتي عادي عندها اتشووف الحرام جدام عيونها…
المهم من شهر تقريبا سمعنا انهم ملجوووو هي وحمي الصغير..
اول يوم العيد الي هوو امس…اشوفها يايه يا عمتي..وعيالها..
سلمت عليهم كلهم إلا انا سوتلي طاااااااف والله استغربت من حركتها حتى ريل حمي الثاني يالسه تتطالع مستغربه ليش ما سلمت انا بعد ما سويتلها سالفه..اتغدينا وكلشي وحزت الطلعه كنت شاله ولدي فا سلمت عليهم وان طالعه وقبل لا اوصللها جان تنش وتروح داخل ريلي شاف الحركه..
يوم ركبت السياره جان اتقول فلانه سلمت عليج قلتله لا..
جان اقوله انا ما اتنزل اسلم على وحده يايه من الشارع حالها حال البشاكير الي يحطوون عينهم على عيال البيت واخر شي ياخذوونهم هاي نفس الشي..
مالت عليها
شو رايكم من الموقف…بس انا قلت مب ساكته صح اني ما با سلامها بس قلت بسير بيت يدت ريلي لان كنا هناك والكل يخاف منها وبفتح الموضوع جدامهم
عمتج حبت تجحلها عمتها وما كان المفروض تسكت عن الي صار لان البنت مصختها وايد ومب صغيره عشان نقول ما تفهم والمفروض منج بعد ما سوت ها الحركه معاج ومع ريلج انج تهزبينها وهذا اقل ما تستحق
عيدج مبارك اختي وخلي بالج على ريلج
وعفاني يالله حمي صغير ومب قد المسؤوليه….ابدا ابدا
البسيهاا ومثل ماقلتي يايه من الشارع مش من مستوااج الغاليه
والله يهدي الجميع ان شاءالله
وعمتج ما عندها سالفة ولا كيف تييب وحده من الشارع وتيسلها في البيت لا والقهر تيوزها ولدها
الغاليه ديري بالج على ريلج وعلى بيتج
خلاص مب مهم سلامها لا بينقص ولا بيزيد لج شي
الله يهديها انشالله ووو كل عام وانتي بخير
على العين والراس لزقوها بولدهم بس لازم تعرف قدر الخلق والاحترام
خلاص بتغدي حرمه لازم تتعلم احترام حريم البيت
ولا حضرتها خربت بيتها وخسرت ابوها..وبتكملها وتخرب مابينكم
المفروض بعد ريلج يكلم امه
ويقولها دام سترتوها المفروض تخلوها تحترم اللي بالبيت وتعرف قدرهم اذا تبى تستمر بالبيت
ولا ترى اشكالها تفرق الاخوان والاهل حذروها وفتحوا عينها على هالمصيبه
