بنات امس كنت سايره اودل ستايل اتشرى كم شغله المهم شوفوا شو صار… دشت وحد ويه ريلها وعندهم بيبي يمكن عمره سنه وهي صغيره وحتى ريلها اصغير يمكن اعمارهم ما تتجاوز العشرين..يعني معاريس اصغار… المهم من دخل ريلها وهو عينه يالسه تتلفت ع البنات والله يابنات انا استغربت كيف هي مب منتبها وكيف هو جري لي هالدرجه يالس يغازل البنات ويطالعهم وحرمته وياه…بس هو طبعا استغل انها يالسه تتشرى حق ولدها وهو ساير قسم اللي خاص بالنساء واونه بيتشرى ويالس يشوف البنات الكاشخات الزياده عن اللزوم جنهم سايرات عرس ويغازلهم ويطرشلهم بلوتوثات وهم يستقبلون حسبي الله عليهم ويضحكون… انا والله ضغطي ارتفع منه قلت صدق انه ما يستحي حرمته ما شاء الله عليها ما قصرنها شي ويبتلك اعيال وبعد اتغازل…
بس الله كشفه وحرمته شكته في الجرم … تعرفون شو قالتله بصوت عااااااااااااالي يعني ما اظني في حد ما سمع استح ع ويهك وودر عنك هالحركااااااااااااااات واصطلب جان ريلها يقفط وتوه بيرمس قالتله بس خلاص حسابك عندي بعدين… وراحت عنه عند الكونتر اتحاسب وهو وراها قافط طبعا من الفشله… وعقب طلعت قبله وهو شل الاكياس اتعرفون شو سوا قبل ما يظهر بتنصدمون لو قتلكم سوى باي باي حق البنات وظهر ولا جنه حرمته توها هازبتنه ومفضحتنه….بس تبون الصراااحه انا ما عيبتني ردت فعلها احس لو كلمته في البيت او في السياره كان احسن من انه تهزبه جدام كل حد وفي محل وزحمه وناس هو صح يستاهل ويقهر بس بعد المفروض تمسك اعصابها لين ما توصل السياره وتستلمه…
المــــــــــــــوقف الثاني:
والموقف الثاني هذا شفته ابعيني بعد بس كان العام الماضي… كنا سايرين مطعم حلب الشهباء اللي في الشارجه نتعشى المهم… قعدنا برع وين مكان العايلات في قسم داخل للعايلات بس كان زحمه ما رمنا نقعد المهم ونحنا نتعشى شي شلة بنات قاعدين داخل وين قسم العائلات ويضحكون بصوت عالي لدرجة انه صوتهم مسموع عدنا اللي نحنا قاعدين برع وشي وحده قاعده ويه ريلها وياها حرمتين ما ادري خواتها او خوات ريلها والحرمه متنقبه وبعدين طلعوا شلت البنات عقب ما ضحكوا واتعشو ودشوا الحمام وانا شايفه الوضع جدامي وبعدهم بدقايق طلع الريال اللي قاعد ويه حرمته وسار الحمام الخاص بالريايل … بس حرمته ما رامت تتحمل هي ظنت انه ريلها سار الحمام عشان يغازل هالبنات ويشوفهم… فالبنات يوم ظهروا من الحمام امنو كانت جدامهم مرت الريال وزختهم يا القح.. يالخاي… ياللي فيكم وفيكم هم حرااااااااام الصراحه ما قالولها شي بس فجاءه من طلعوا من الحمام زختهم مرت الريال وسبتهم من غير سبب والحرمتين اللي وياها يهدونها وطبعا البنات اللي سبتهم كانوا ملسونات وسبوها سب وقالولها منو ريلج هذا اللي انشوفه يالخا… هاللي قاصر نحنا انشوف امثال ريلج وغيره من الكلام ما اذكر وطلع ريلها من الحمام وحاول يهدي حرمته بس مارام والله يابنات خلت ويها كبر النمله كان خاطره الارض تنشق وتبلعه لانه المطعم كان زحمه واتخيلوا عوايل كل واااحد ويه اهله واللي ويه ريلها وحرمته كان منظرها وااايد يفشل مب طايعه تسكت والله تموا يسحبونها الحرمتين اللي وياها وريلها لين ما ظهروها من المطعم وكل حد يالس يشوف الموقف ومنصدم… وانا اولهم.. معقوووووووووله فيه وحده طبيعيه اتسوي هذا كله…
تبون الصراحه مرت الريال وااايد قهرتني ووين الحشمه والشيمه ومهما صاااار الوحده ماتتصرف هالتصرف ولو كانت اتغار ع ريلها بس مب جذي… لازم اتحاسب ع تصرفاتها… لانه الصراااحه تصرفها هذا بتخلي ريلها يكرها ويتفادى انه يظهر وياها مره ثانيه
بغيت اعرف لو وحده فيكم الله لا قال ان شاء الله اتعرضت للموقف الاول انها اكتشفت انه ريلها يغازل وهي وياه شو بتكون ردت فعلها وتصرفها؟؟؟
وهل ممكن تتصرفين نفس الحرمه اللي في الموقف الثاني اذا شفتي شلت بنات حركات وكنتوا في مكان عااااااام ؟؟؟ هل رااااح اتسبينهم وتتضاربين وياهم جدام كل حد؟؟؟؟
انتظر مشاركتكم وتعليقاتكم…
تسلمين اختي بس ياما الواحد بيشوف مواقف هالايام
امين
تعليقي على الموقف الاول ان الريال غلطان ,, وحرمتة غلطانه الف .. المفروض ما تهزبه جدام الناس .. في البيت التفاهم احسن
اما الموقف الثاني .. هذي الحرمه لازم تزور طبيب نفسي
والله يستر على بنات المسلمين
مشكوره على الموضوع
المشاركة الأصلية كتبت بواسطة نظرة برائة 
