من كثر ما اقرا المواضيع اللي فيها جرائم الخدم وآآخر موضوع حسيت ان أثر فيني وايد.
أشعر بقلق وخوووووووف ان الخدامه بتدخل علينا فجأه وبتجتلنا .
ماقدر أرقد . كل شوي أفز من اسمع صوت حركة باب او شي ثاني .
وطووول الوقت اتخيل جريمة القتل اللي صارت للبنيه وهي راقده .
ساعدوني الله يريحكم . تعبت ما اقدر انام .
ونكون طيبين معهم
علشان ماياذونا
وربي يحفظج الغالية
قولي: استودعت الله نفسي واهلي ومالي وبيتي وجميع ماانعم الله به علي
وربج الحافظ سبحانه
وان شاء الله ترقدين وانتي مرتاحه
لاتحطين ف بالج هالسالفه مب كل الخدم نفس الشي بس صح لازم
ناخذ حدرنا منهم
الناس مب كلها شرات بعض
والمؤمن بأخلاقه يحسن الظن في الناس ^_^
اقري المعوذات وارقدي وانتي مرتاحـة 
قلت خلاص ما شي شي اسمه سسكين بالبيت يعني يوم بسكن بيتي اليديد بيكون خال من السكاكين تراها اهيهي السلاح الاكثر استخداما والباجي نقدر عليه اففففف صدق اتكلم
جوفي اما عن شغلة بقطع الخضره واللحم والدياي المهم سكينة المطبخ تكون مربوطه بسلسله ما تطلع برع المطبخ ههههههه ها شرايج صدق والله اتكلم جد تعرفين حركات البنوك والشي من المحلات يوم يربطون القلم نحن بنربط السكين بحدود ان تستخدم بس بالمطبخ توصل للحنفيه للغسيل بس برع المطبخ لا …….
والسكاكين داخل البيت بلاستيك وخشب هااااااااا شرايكم شرايكم الحين وحده من التاجرات الشاطرات تدبر لنا سكين مربوطه بسلسله وعنوانج يكون كي تضمني سلامتج من الشغالات ……….!!
انا عاد ادرس هذه الفكره واحسني بقدر اطبقها ماشي سكين حديد الا بالمطبخ وتكون مربوطه
ممكن الإنسان يموت بحريق أو بحادث سير أو ياكله أسد ههههههه أو يموت عادي
عاملوا الناس بالحسني تلقوا منهم خير. إذا عاملتوهم بسوء وكرهتوهم نفسهم بيعاملوكم بالمثل . الراجل إذا عاملتيه بالسوء ينسي بس المرأة إذا عاملتيها بالسوء ما تنسي مثل الجمل إذا ضربتيه راح يحقد عليك وفي يوم يلقي الفرصة ينتقم من إلي ضربه . أدعوا الله يجعل لنا ولكم حسن الخاتمة يا رب
