انا يا خواتي الغاليات الله رزقني بالزوج الصالح اللي كل اللي حولي حاسديني عليه من كثر طيبه
وأخلاقه والحمدلله وشكر لله غير هذا الله رزقني منه والحمدلله الذريه الصالحه الله يحفظهم لي
والحمدلله عايشه معاه بالنعمه والصحه صرت له الزوجه والام والاخت الحنون الطيبه المطيعه
اللي حافظه وصاينه اسمه وبيته ومحسسته فالبيت كأنه ملك يأمر وينهي ووفر له كل طلباته
وعمري ماتذمرت بالعكس كنت افرح اذا شفته فرحان ومستانس يعني بالمختصر المفيد
حرمت نفسي من كل شي من الطلعات والمناسبات الاجتماعيه وغيرها بس علشان اوفر له الراحه
له والعيالي حتى كانت صديقتي دائما تقولي ( ادفني نفسج بالحيا ) لان قلبها يعورها علي اني اهملت
نفسي وصحتي بس علشانه وعلشان اعيالي والحمدلله على كل حال
المهم خواتي حسيت فالفتره الاخيرة متغير يعني يرجع البيت بدري غير هذا يدلعني ويتم طول يومه
فرحان ويضحك ومستانس حتى الله يسلمكم العلاقه الحميميه اكثرت معاي (واسمحولي على هذا الكلام)
انا استغربت قلت ياربي اشفيه المهم انا حسيت بالونااسه والفرحه حتى كل شي علي يشوفه يمدحه
مع ان قبل كنت البس واكشخ كان مايهتم
المهم دخل الشك فيني قلت اكيد فيه شي!!؟؟ لازم ابحث واشوف الاسباب
وتذكرت مرة مقال عن الخيانه الزوجيه ان الرجل اذا خان زوجته خصوصا اللي يحبهاا يحس
بنأنيب ظمير فهو علشان يخونها مع وحده ثانيه يعوض لزوجته كل شي تحبه علشان مايحس بتأنيب!!
المهم اول مافكرت فيه اني افتش على تليفووووووووووووونه وشفت عنده رقم بدون اسم ومكرر
اخذته وسجلته عندي وفاليوم الثاني وهو رايح الشغل اتصلت على الرقم من تليفون صديقتي
الا اسمع صوت( حرمه )وبصراااحه جاتني صدمه قووويه قلت لااااااا اكيد هذا غلط
المهم بعد اتصلت على الرقم من تليفون ثاني وسمعت نفس صوت الحرمه وطامه الكبرى كانوا معاها
صوت اعيال الصغار قلت معقوله تكون متزوجه المهم كلمتها وسويت نفسي اني بغيت وحده وطلع غلط
المهم حسيت ان الدنيا سوده جدامي وحسيت بالضيقه والحزن ورحت صليت ودعيت ربي ان يفرجها
وقلت في نفسي لازم احمي حياتي وبيتي وعيالي مستحيل تجي وحده وتخرب كل اللي سويته
قلت مابي اظلم زوجي اكيد ان في شي وجاتني فكره عقب مانام زوجي بالليل اخذت تليفونه وطرشت
لها مسج من رقم زوجي كتبت لها( وحشتيني)تعرفون شنهو ردت علي قالت فالمسج (توى الناس)
وينها زوجتك نايمه والا هي وين!!!!!؟؟؟ وليش ماتتصل خايف منهاااا؟؟!!!!
قلت لها ان زوجتي نايمه واخاف ان اليهال يسمعوني وهي تسمعني ردت علي بمسج وقالت
حتى انا الثور زوجي مب موجود وعيالي ناييمين !!!!!!!؟؟؟؟؟؟؟؟؟؟!!!!!!!!!!!!!!!!
بصراحه انا انصعقت وانصدمت يعني بعد هي متزوجه الخاينه المهم قلت لازم اجرجرها فالكلام علشان
اعرف من هي شسويت قلت حبيبتي شنهو يذكرج اسمي واسمج ردت علي حرف م + ن
رديت قلت لاااااا اكتبي اسمج واسمي شوفي شراح يصير هي الغبيه اكتبت اسمها واسم زوجي
وطلع اسم زوجي صح وبصراحه بغيت امووووووووووووووووووووووت من القهر
تعرفون شسويت اتصلت لها هي على طول ردت قالت بل بل بل مابغيت تتصل كله مسجات انا على طول
سبيتها وقلت يلي ماتخافين ربج ولا صنتي زوووجج وعيالج انا عرفت اسمج وراح افظحج فالبلد كلها
هي على طول سكرت بوجهي وكتبت لها مسج وقلت ان ماخربت عليج بيتج مثل ماخربتي علي بيتي
بتشوفين والله يااا خواتي ان مر علي اليوم كأنه سنه وعلى طول اول ماطلع الصبح راح زوجي
الشغل وعقب مارجع حطيت له الغدى هو واليهال وعقب قلت له تعال ابيك شوي بالغرفه بروحنا
واول ماسكرت الغرفه علشان مايسمعونا اليهال انهرت وتميت الصيح وابكي وقوله ليش ليش تسوي
كذا فيني انا شسويت لك هو قالي اشفيج قلت اشفيني علمته بكل شي اللي صار
هو انكر فالبدايه بس بعدين اعترف !! لكن للاسف اعترف ولا قالي ليش هو سوى كذا ؟؟؟؟
والله ياا خواتي ابيكم تساعدوني شسوي وانا مابي هلي وهله يعرفون ولا ابي اخرب بيتي لاني
والله والله والله احبه بس عطوني حل ؟؟ لاني ماكلمه الحين وهو مب قادر يطالعني في عيني
حسبي يالله ونعم الوكيل عليها اللي خربت على حياتي
الله يهديه ويهدي رياييلنا
اقري سوره البقره كل يوم لها تاثير كبير صدقيني
ولاتسوين مشاكل عشان وحده ما تسوا خليها تولي بس لازم اتبينين لريلج انج زعلانه وايد عشان ما يكررها معاج
والله يبعد عنج المشاكل والهموم
حاسه فيييج=(
جان حليتي كل شي من دون لا يدري .. احين كيف بتعرفين اذا قطع علاقته او لا
احين بيتحرص منج …..
الله يربط على قلبج …
قعدي وياه لا تخلينه بروحه … قوليله انه هالشي صدمج .. طلعي اللي فخاطرج قعدوا قعدة صراحه
ليش جيه سوا .. وشو انتي مقصره وياه فيه .. خليه يصارحج ..
وخوفيه من الله والفضيحه لو درى ريلها خليه يتخيل شو بيصير فيه اذا ريلها درى ..
لا تغلطين وتفضحينها بس هدديها … بتعيش فخوف ..
الله يسخره لج …
انتي خليتيه محور حياتج فبهالطريقه هو مل منج ودور على غيرج
الريال لازم يحس انه حرمته هي عشيقته مش بس زوجه والسلام
ما اعرف بس مشكلتج كبيره
وانا بالنسبه لي ما اقدر انصحج لان انا مبدئي ثاني
وكل انسان له قدرت تحمل
والله يعينج
