هذا اول موضوع انزله هنيه وبإذن الله مب الاخير،، بما أني تعلمت انزل الصور من الأيفون ولله الحمد،،
بسم الله الرحمن الرحيم
حلا الشمام بالجيلي
المقادير:
جيلي بالتوت او الفراولة..
شمامة*
الطريقة:
باختصار نحضر الجيلي بالطريقة المعتادة ونخليه يفتر.. ونجيب الشمامة ونقطعها من النص وننظفها من الحب،، وبعدين من الطرف الخارجي نقطعها شوي بس عشان نقدر نوقفها،، وتحذروا توصلوا للب ولا ضاع الشغل ع الفاضي،، بعدين نجيب ألومنيوم ونغلف قاعة الشمامة بس للإحتياط لا أكثر،، ونجيب الجيلي ونصبه داخلها لين عينها! هههه .. انا عايلتي صغيرة فاكتفيت بنص شمامة والنص الثاني خليته لمرة ثانية
وبعدين تحطوا الشمامة ف الثلاجة لين يجمد الجيلي.. هنييييييه احذركم بس قبل التقديم مباشرة تطلعوها من الثلاجة وتقشروها بشويش.. ونبدأ نقطعها بحرص شدييييد عشان الجيلي ما يتقطع… والصورة بتفهمكم طريقة التقطيع..وعليكم بالعافية
و فكره حلوووه ويديده
سلمت يداكي عزيزتي
فكرة بسيطه بس نايس ، شكل وطعم
وتنفع للزنقات ههههه
بحاول اصغر الصور،، بس تراني اتعلم ع البرنامج اليديد اللي نزلته ف الايفون،، واجرب فيكم
