من حضرتك لاجل تقلب لي موازيني
من اي كوكب نزلت وشايفن حالـك
من حضرتك لااجل تتعبني وتشقيني
مليت جرحـك وتبريـرك وموالـك
تخطي وترجع تعتذر لااجل ترضيني
ان كان جرح القلوب البيض يهنا لك
يموت حبـك ولا تنـزف شرايينـي
يموت قلبي ضما واموت انا هالـك
ولااشرب الـذل بيدينـك وتسقينـي
غرورك اعماك تحلم تبني آمالـك
نهايتك جات بيـدك قبـل تنهينـي
والله لانتي ولاعشره مـن امثالـك
تخضع له النفس ويفكـر يمشينـي
اول معك كنت وافي واعشق ضلالك
ياما نصحتـك ولكـن ماسمعتينـي
اليوم ماهمني لوكنـت فـي بالـك
مانـي بظالـم ولكنـك ظلمتينـي
في واقع الأمر ماني بااصغر عيالك
ربانـي الوقـت لاتحلـم تربينـي
غلاك مات ابتعد وافراقك اشوالـك
لاترتجي الدمع واحـذر لاتعزينـي
ماينزل الدمع لاامثالـك ولشكالـك
اصلاَ من تكون حتى تفقدك عينـي
نهايتك ترجمة لـك واقـع افعالـك
تعبت اوضـح ولكـن مافهمتينـي
لاعاد تحلم يجـي رقمـي بجوالـك
والله مااخضع ولو ترقص شياطيني
ابااتركـك للنـدم وافكـار عذالـك
ماهمني عاذلك وانتـي خسرتينـي
خسرت نفسك ومضنونك وتمثالـك
خسارتك للاسـف ماعـاد تعنينـي
خلاص اباارتاح غادر والسعد فالك
لاترفع الصوت تناديني
من حضرتك لااجل تتعبني وتشقيني
قويه هههههههههههه
تسلمين عالأبيات الروعه
لكن
إحترت تخاطبين مذكر أم مؤنث
في البداية كان الخطاب موجه للمذكر وبعدين دخلت كلمات توجهينها للمؤنث مثل
والله لانتي _ماسمعتينـي _ تنهينـي
القصيدة حلوة وقوية لكن انتبهي لمثل هذي الأمور
تحياتي ودعواتي لج
وانتظر المزيد من مشاركاتج
دمتي بود
تسلمين وانتظر يديدج
