الوسم: السعد

شحالكم بنات

الغاليات تعرفون مكان يبيعون نبتة السعد في الفجيرة او خورفكان ******************************بلييييز ابغيه ضروري

بلييييز لا تهملون موضوووعي

بنات من يومين رحت عند دكتوره عشان موضوع الشعر في الويه ..

قالتلي أنصحج تستخدمين زيت نبات السعد نتيجة بعد أحسن من الليزر

بنات اللي تعرف من وين أقدر اشتريه ؟؟ عند العاطريين ؟ اذا تعرفن قوللي اسماء عطاين مضمونين في العين

ومشكورات

يا ريت البنات يفيدوننا

لقيت هالموضوع ان شاء الله يفيدنا

وانا براسل العضوة بنت دبي وبسألها ان شاء الله

لانها كاتبة انها تستخدمه حاليا

حبيت اقوليكم عن تجربتي ويا نبتة السعد طبعن الموضوع مب منقول ولا شي من تجربتي الخااصه

احم احم
المهم بقوليكم سالفتي وانا كنت سايره المعرض الاكس بو

وقفني واحد سوري ويلس يقولي عن نبتة السعد وانها بتخف من نمو الشعر وانا يالسه اضحك على خريطه

المهم خريط الميمع وتعال اتسمع
قالت لي اماايه انزين اشتريها وشوه خسرانه
قلت بشتري حبه قالي لا اشتري 10 حبات قلت له وشوه من اولها تبا تنصب

قالي انا هني لمدت شهر
المهم شتريت 10 و11 مجانا وايد عليه
رحت الصالون شليت شعر ايدي وريولي
ومن باكر دقيتها العشبه وحطيتها ويا الكريم ودهن فيها ريولي وايدي
والله العظيم يا بنات وانا من تاريخ12 وشهر 2 شاله شعري
ولين يومكن هذا شعري خفيف مره طالع
وانا استغربت وقلت والله صدقه ما كذب
حتا ريولي ما طلع فيهم شعر الا خفيف مره
والله وااايد مستااانسه

وهذا بس مره سويت عيل لو سويت مره ثاني متى بيطلع لي عاشو عاشو عاشو كللليش

>>>>> يا بنت استهدي بالله انتي حامل مب وقت الرقص

ملاحظه بنات والله انا يوم اشل شعري بعد سبوع ولا سبوع وشي يطلع لي
الحمدلله
دعواتكن لي بتوفيق

ياحيه يوم كان صادق

بالبركه فديتج

يالله عقبال بعد ماتشوفين ولا شعره بجسمج ..

توفير وقت ووجهد لوول

اشحالكم

حبيت استفسر عن النبات السعد

يعني استخدمه كل يوم ؟؟؟

وعادي استخدمه في اي منطقه من الجسم

يوم حطيته يغلي ف النار طلع لونه اسود صح لاني سويته عن طريق زيت الزيتون مب الماي

حبيت اقولكم افيدوني يعني عطوني الطريقه وكيف استخدمه وجي يعني

فديتكن بغيت اسالكن من تقدر توفر لي كريم السعد من التاجرات

اباه ضروري

ومشكورات

المشاركة الأصلية كتبت بواسطة مملوحه حيل

مرحبا خواتي

فديتكن بغيت اسالكن من تقدر توفر لي كريم السعد من التاجرات

اباه ضروري

ومشكورات

مرحبا حبيبتي
ان شاء الله الغلا انا اقدر اوفرلج اياها وباجي منتجات حراز بس طرشيلي الكمية الي تريدها وبياناتج على الخاص وان شاء الله اطرشه ليج عن طريق شركات التوصيل او المندوب والدفع عند التسليم

السلااااااااام علييييكن بنات ..حريم .. ربيعاات .. شحاالكن الغاليات ..
؟؟ فديييتكن واللهي عاوزة اسئلكووا عن حااااااااااااااااجة مهيمة جدا مش عرفااها

انا خذت من العطاار بودرة نباات السعد اللي يقولون تخفف الشعر .. انا شريته ولا تخبرته الطريقة استحيت اسأله الرياال !

اللي قريته فالنت صراحة عجب ،، كل وحده تقول شي وحده تمدح فيه ووحده تحذر لا توسووون هذا يسوي جي وجي!! والثانية خبر خير مسكينه ماتعرف شي شرااتي ..
كيف استعمله ؟؟ وكم استعمله ؟؟ .. انشالله تكونين مجربتنه عشان ارتاااح ..
لا هنتن الغااليات وربي يسعدكن ..
بإنتظاااااااااااااااااااااااااااااركن

من اي كوكب نزلت وشايفن حالـك
من حضرتك لااجل تتعبني وتشقيني

مليت جرحـك وتبريـرك وموالـك
تخطي وترجع تعتذر لااجل ترضيني

ان كان جرح القلوب البيض يهنا لك
يموت حبـك ولا تنـزف شرايينـي

يموت قلبي ضما واموت انا هالـك
ولااشرب الـذل بيدينـك وتسقينـي

غرورك اعماك تحلم تبني آمالـك
نهايتك جات بيـدك قبـل تنهينـي

والله لانتي ولاعشره مـن امثالـك
تخضع له النفس ويفكـر يمشينـي

اول معك كنت وافي واعشق ضلالك
ياما نصحتـك ولكـن ماسمعتينـي

اليوم ماهمني لوكنـت فـي بالـك
مانـي بظالـم ولكنـك ظلمتينـي

في واقع الأمر ماني بااصغر عيالك
ربانـي الوقـت لاتحلـم تربينـي

غلاك مات ابتعد وافراقك اشوالـك
لاترتجي الدمع واحـذر لاتعزينـي

ماينزل الدمع لاامثالـك ولشكالـك
اصلاَ من تكون حتى تفقدك عينـي

نهايتك ترجمة لـك واقـع افعالـك
تعبت اوضـح ولكـن مافهمتينـي

لاعاد تحلم يجـي رقمـي بجوالـك
والله مااخضع ولو ترقص شياطيني

ابااتركـك للنـدم وافكـار عذالـك
ماهمني عاذلك وانتـي خسرتينـي

خسرت نفسك ومضنونك وتمثالـك
خسارتك للاسـف ماعـاد تعنينـي

خلاص اباارتاح غادر والسعد فالك
لاترفع الصوت تناديني

قويه هههههههههههه
تسلمين عالأبيات الروعه

لكن

إحترت تخاطبين مذكر أم مؤنث

في البداية كان الخطاب موجه للمذكر وبعدين دخلت كلمات توجهينها للمؤنث مثل

والله لانتي _ماسمعتينـي _ تنهينـي

القصيدة حلوة وقوية لكن انتبهي لمثل هذي الأمور

تحياتي ودعواتي لج

وانتظر المزيد من مشاركاتج

دمتي بود