دخيلكم ادعولي أبي دعواتكن نفسيتي تعبت من التفكير

بدخل ف الموضوع على طول عسب ما أطول عليكن

حالتي النفسية داون لين اليوم و أنا ما مصدقة اللي صار اللي
كل يوم وانا افكر باللي صار وما عارفة شو أسوي غير الصبر
الحمد الله محافظة على صلاتي و قراءة القرآن

أنا اطلقت من شهر و بدون سبب
بسهولة طلع من البيت واليوم الثاني قالي انتي طالق………..أنا ما فهت أقوله ليش اطلقني انا شو سويت لك قال ما سويتي لي شي انتي ما قصرتي وياي بشي والله شاهد على هذا الشي بس انا مقصر فحقج ………وبعد كم يوم طرشلي مسج ثاني وقالي وانتي طالق للمرة الثانية و بعدين راح المحكمة وقالي انتي طالق للمرة الثالثة عسب ما تكونين على ذمتي وخلص كل الاجراءات حتى ما فكر انه يعتذر والله اني وايد شاله بخاطري منه و من اللي سواه ابدا ماراح اسامحه

تخيلوا ما صار لي من عرست إلا كم شهر
وانا كل يوم يمر علي أصعب من الثاني مع انه الكل واقف وياي حتى اهله لدرجة انهم يزوروني وبينا اتصالات وما اييبولي سيرته ودايما يقولولي انتي اختنا وبتمين اختنا واي شي تبينه احنا بنسويلج اياه وبعد يقولون انتي عطيتيه كل شي واحنا شاهدين على هذا الشي خليه هو الخسران انتي ما خسرانه شي وسمعتج فوق والكل يعرف انج ما غلطتي عليه

بس انا احس بضيق لأني عطيته كل اللي يحتاجه حتى قبل لا يتكلم أو يطلب الشي يلاقيه يمه
ما ادري ليش جازاني هذا الجزى مع اني حبيته حب لأنه هو أول انسان حبيته ودخل حياتي وكان دايما يقولي انا بسعدج وكل شي تبينه بسويلج اياه وانا دايما كنت اراعيه وما اثقل عليه بالطلبات عسب ما يقولي انتي وايد تطلبين أو اني اضغط عليه

ليش الواحد اذا ضحى لين شخص يلاقي منه هذا الجزا
ادعولي انه الله يفرج همي و حزني وألاقي إلي أحسن منه ويقدرني
ويحترمني

اسمحولي طولت عليكن

دعواتكن