رحلتي إلى أطهر بقاع الأرض .

اشحالكن بنات وسيدات الامارت ….

عساكن بخير ونعمه ان شاء الله …

حبيت احطلكن اليوم صور رحلتي لأداء مناسك العمره وياليتها اتكرر مره ثانيه لأنه الصراحه مكان ما ينمل منه وما طولنا وايد هناك …….

كانت رحلتنا من تاريخ 8/2/2017 إلى 11/2/2017

كنا خمس أشخاص انا وريلي وخالتي وبناتها هنتين …

طلعتا من البيت يوم الثلاثاء الساعه 8مساء وصلنا مطار الشارقه وكانت رحلتنا الساعه 11

بعد ما خلصنا كل الأجراءات يلسنا شوي في الكوفي نتريا الأعلان عن الرحله

وطلبنا لنا كبتشينو وعصير …
[IMG][/IMG]

رحلتنا كانت على طيران ناس …

وهذي الصوره اول ما طارت الطياره بس اشوي متحركه …
[IMG][/IMG]

وهذي البنوته كانت يالسه ورايه وتضحكلي قلت بصورها …

[IMG][/IMG]

وهذا الكابتشينو ولسنكرس حق بنت خالتي الله يعطيها الصحه والعافيه بس ما شربته تقول ما عيبها خقااااخه …

[IMG][/IMG]

وصلنا مطار جده الساعه وحده بتوقيت مكه وسوينا الأجراءات وانطلقنا إلى مكه ووصلنا الساعه3صباحا وسيده على الفندق وكنا حاجزين غرفتين من قبل في أبراج الصفوه ( رويال دار الإيمان )وعقب سرنا الحرم لأداء مناسك العمره
وخلصنا مع آذان الفجر وصلينا ورجعنا سيده للفندق حلينا الأحرام ومن التعب رقدنا لين الساعه 12
وهني صورة الممر اللي يودي صوب غرفتنا

[IMG][/IMG]

وهذي الغرفه
[IMG][/IMG]

[IMG][/IMG]
[IMG][/IMG]
[IMG][/IMG]
وهذا تكرمون الحمام
[IMG][/IMG]

وهني مصورتنها قبل آذان الفجر …
[IMG][/IMG]

ويوم الجمعه الساعه 2 ونص طلعنا من مكه سايرين الى مطار جده وكانت طيارتنا الساعه 6 المسا …
وهني صوره لمطار جده وتشوفون كيف آثار الأمطار بعدها باقيه لأنه كان عندهم فيضان بسبب الأمطار قبل أسبوعين
[IMG][/IMG]

هني كنا نتريا اقلاع الطياره
[IMG][/IMG]

بداية الأقلاع
[IMG][/IMG]

صوره من الجو …
[IMG][/IMG]

وأخيرا وبعد ساعتين ونص متواصلتين من المطبات الهوائيه بسبب الغيوم وصلنا إلى مطار الشارقه الدولي بالسلامه
بس كنت اعاني من صداع شديد …(ما دري شو السبب بس يمكن علشان متعوده اشرب قهوه وهذاك اليوم ما شربت

وإن شاء الله انكرر هذي العمره مره ثانيه …
وكل من تدخل موضوعي وتدعيلي بدعوه حلوه
انا بدعيلها أن الله يوصلها لهلأرض الطيبه
يارب …
(((سبحان الله وبحمده سبحان الله العظيم ))))

بس ممكن سعر التذاكر مع طيران ناس كم؟ سيرة ورجعه
والفندق كم تكلفته

المشاركة الأصلية كتبت بواسطة لمعة خرز

عمرة مقبولة يا رب

بس ممكن سعر التذاكر مع طيران ناس كم؟ سيرة ورجعه
والفندق كم تكلفته

تسلمين عزيزتي
سعر التذكره كان 1450

والفندق الليله ب650 مع وجبة الافطار
بس يختلف الحجز في ايام الأجازات ..

وتسلمين على اللمرور ….

المشاركة الأصلية كتبت بواسطة ..قلب طفلة..

عمرة مقبولة إن شاء الله..

الله يتقبل منا ومنكم صالح الأعمال …

وتسلمين على المرور …………