شحالكم؟؟
بغيت اسال الامهات الخبره عن التسنين بما انه ماعندي خبره كافيه و عندي طفل واحد يالسه اجرب عليه لول
اي اسنان اكثر شي تعور يوم تطلع للطفل؟؟؟
انا سمعت الانياب؟؟ معقوله؟ ولا الاسنان الطاحنه بما انه حجمها اكبر؟
اي ضرس عانيتي فيه ويا عيالج اكثر شي؟؟
و شو تسوون لتخفيف الالم؟؟
عندكم وصفات طبيعيه من البيت؟؟ وصفات شعبيه؟؟ ادويه من الصيدليه الخ…..
ببدا عن نفسي:
انا اعطي ولدي اشيا يابسه يعضعض عليها مثل الشابوره و البسكوت يرتاح يوم يعض عليهن و ما يمسك العضاضات اللي فيهن ماي يفرهن ماستفدت من العضاضات الا في اول ضروس اللي جدام يوم هو صغير.
يحب اكثر شي يخلي المصاصه فـ ثمه يتم يعض عليها و بس….
و جربت ادهن زيت زيتون و بعد استخدمت الجل مال التسنين مع اني كنت وايد متخوفه منه لاني قريت مب زين بس الدكتوره طمنتني انه عادي
حسيت يوم اعطيه الجل يسكن الالم و يهدا فتره…
و بعد اعطيه شراب مسكن للام فليل يوم ينش يصيح.
هاي تجربتي بليز خبروني اذا طريقتي غلط
و اذا فيه اشياء ممكن اسويها عشان اسكن الم التسنين و افتك من هالمعاناة 
و شكرا مقدما
الله يعينا ,,
حتى التعب نفسه حد يصيح ومنهم ييله اسهال ومنهم ييله حمى
يبيعون ماده في الصيدليه تخفف أسألوا الصيدلي هو مرهم صغير ماحيد بس شريت منه حق بنتي قبل
ان شاء الله حد يفيدج حبوبة
للرفع
