الوسم: التسنين

الله يعينا ,,

يبيعون ماده في الصيدليه تخفف أسألوا الصيدلي هو مرهم صغير ماحيد بس شريت منه حق بنتي قبل

جيف الحال الغاليات؟؟؟؟؟؟؟

أنا وحده من اللي كانن يعانن من تأخر التسنين والحركه عند ولدي
تخيلن كمل 10 شهور وماسنن ولا حبى ولا ييلس روحه بس يتجلب

وديته قبل عند الدكتور وفحصه وقال إن الولد طبيعي ومابلاه أي شي
طلبت منه يعطيني كالسيوم قال مافي داعي خلي الولد على راحته

بس من كمل 10 شهور وديته مره ثانيه وأصريت إنه يعطيني كالسيوم
قالي اوكيه بس الكالسيوم ممكن يساعد بس لاتعتمدين عليه وايد

بديت اعطيه الكالسيوم قبل أسبوع وما شاء الله لا قوة إلا بالله طلعله بدل الضرس ضرسين
الحين ولدي فديته مريض وماياكل عدل لأنه يسنن ومايخليني ارقد بس والله من الفرحه متحمله كل هالتعب,,,, وغير جيه حركته زادت من عطيته الكالسيوم والحين ييلس روحه ويحاول يحبي

تخيلن ما شاء الله أسبوع بس عطيته الدوا وكل ها استوا…. ساعات اشوفه يحاول يوقف
كان عنده نقص في الكالسيوم والدكتور كان يقولي مايحتاي… يعني لو ما اصريت جان ولدي لين الحينه على نفس الحاله

الحين أنا موقفه عنه الكالسيوم بنصيحه من الدكتور لين مايخف الاسهال عنه

اسم الدوا Osteocare ويحتوي على الكالسيوم والماغنيسيوم والزنك وفيتامين د وهو ينفع للكبار والصغار وماشي منه أي ضرر…. مدة الاستخدام على حسب استشارة الدكتور

بالنسبه لولدي الدكتور قالي اعطيه 5 مل مره في اليوم مدة 3 شهور وإن شاء الله من يخف بكمل اعطيه الدوا

وهاي كل السالفه الغاليات…. أتمنى اللي تقرا موضوعي تدعي حق ولدي بالشفا

بخبرها يمكن تستفيد

يمكن فيه علاقة لا تستعيلين مب شرط تسنن الحين .. توة عمرها سنة خافي عليها لو طولت اكثر من سنة ونص …

يمكن على حسب الياهل وتغذيته والوراثة تلعب دور

اهم شي الدكتور طمنج والله يحفظها

عيالي ماشاء الله تبارك الله. سننوا من عمر ٦ شهور ومشوا وعمرهم ١٠ شهور الله يحفظهم

يمكن مرات بروحه الياهل يمشي قبل مايسنن او العكس

كل ياهل وطبيعة جسمه

المشاركة الأصلية كتبت بواسطة Classic_ad

بالنسبة للرمسة اللى اسمعها من هلي ان اللى يسنن يتاخر في المشى واللى يمشى يتاخر بالتسنين وأنا للحين بنتي ماشاء الله صارت توقف وتحاول تمشى وما ظهرولها اسنان ..

يمكن فيه علاقة لا تستعيلين مب شرط تسنن الحين .. توة عمرها سنة خافي عليها لو طولت اكثر من سنة ونص …

حتى انا سمعت هالرمسة

هذا الرابط فيه موضوع عن التسنين ان شاء الله تستفبدين منه

https://uaewomen.net/showthread.php?p…88#post2060388

وعطيه اشوية سفن اب لانه حل سريع لحل مشكلة الاسهال
وانتبهي على الحراره حاولي انها ماترتفع لانهاخطره
بس مرحله وتعدي
وربي يحفظه لج

ربي يشفيه انشالله

هلااا بأمهات سيدات الإمارات عساكم بخير انتوا وعيالكم

المهم أنا عندي بنت ألحين شكلها بيظهر لها أول ضرس لأنوا اللثة عندها تحت منتفخة على الخفيف ومن فوق اللثة عندها جرح اصغير على شكل حفرة بس ما يبن الضرس ،،،
أناااا سؤالي ألحين هل هاي الأعراض أعراض تسنين وهل التسنين يغير ريحة الفم لأنوا ريحة فم بنتي اتغير فجأة وصارت كريهه وإلا في أسباب ثانية الريحة ،،،
وأنا عندي سؤال شو أسوي لها لأنها مستوية عصبية وكلوا اتصيح وأبا أعرف شو أقدر أحط لها فوق اللثة علشان يخفف الألم أنا أذكر في مرهم لهاي الحالة وعن الريحة شو أقدر أسوي والسموووحة بنات وأرجوا منكم إنكم تساعدوني وشكراً

يعني الريحة يخص البلغم لإنوا الدكتورة قالتلي إنو عندها بلغم من الأسبوع تقريباً وأعتقد إنوا بعدها فيها

بس بسألكم بنتي عمرها 7 شهور وللان ما طلعت ولا سن ها الشي عادي ؟؟

التسنين وهي تلك العملية الفسيولوجية التي من خلالها تبدأ الأسنان اللبنية بالظهور. وتبدأ عملية التسنين في معظم الأحيان مابين 5 إلى 8 أشهر بعد الولادة. وأول الأسنان التي تظهر هي القواطع الوسطى من الفك السفلي ثم القواطع الوسطى من الفك العلوي.

وقد تعاني الأم كثيرا في مرحلة التسنين نتيجة لظهور بعض الأعراض على طفلها مثل:
1- ارتفاع في درجة الحرارة.
2- التهاب بالفم.
3- زيادة إفراز اللعاب.
4- الشعور بالضيق.
5- رغبة الطفل في عض كل ما يقع بين يديه.
6- إسهال بسيط.
7- فقدان لشهية الطفل وقد يرفض الرضاعة.
8- عدم قدرة الطفل على النوم لفترات طويلة.
وتنتج هذه الأعراض غالبا نتيجة دخول بعض الميكروبات إلى الفم خلال جرح اللثة.

ولتسهيل فترة التسنين عليك وعلى طفلك إليكِ بعض النصائح البسيطة:

1- امسحي وجه طفلك بقطعة من القماش المبلل لإزالة اللعاب حتى لا يؤدي إلى حدوث حساسية أو طفح جلدي.
2- اعطي طفلك شيئا ليعض عليه مثل العضاضات المطاطية مع مراعاة غسلها بعد أن يستخدمها في كل مرة.
3- اغسلي أصابعك جيداً ومرريها على لثة طفلك لتمنحيه شعور بالراحة.
4- يمكنكِ استخدام قطعة من القماش المبللة وتضعيها في الثلاجة لمدة 30 دقيقة ثم تستخدم ككمادات على لثة الطفل.
5- إذا زادت الأعراض لدى طفلك يمكنك استشارة الطبيب المختص لإعطائه مسكن وخافض للحرارة.

وتبدأ العناية بأسنان طفلك من قبل عملية التسنين عن طريق مسح لثة الطفل بقطعة من القماش النظيف المبلل بعد الرضاعة، وبعد ظهور أول سِنة لدى طفلك اغسلي أسنان طفلك بفرشاة ناعمة مخصصة للأطفال الرضع ويبدأ الطفل باستخدام المعجون من سن 3 سنوات على أن يكون مخصص للأطفال وغني بالفلورايد حتى يحمي أسنانه من التسوس.

إذا تأخر طفلك في عملية التسنين يجب استشارة طبيب لإعطائه جرعة كالسيوم خارجية.

الادول زين لكن كثرته له مضار

ويزاكن الله ألف خير

بنتي خمس شهور

وولدي ثمان شهور

وولدي الصغير عمره ست شهور وبعده ماسنن

فيه معلومه تقول انه اللي يدخل صبعه معناته بيسنن بس مش الكل

لان ولدي الصغير يدخل صبعه من 3 شهور تقريبا وماسنن

بنات ساعدوني ولدي يظهر له ظرس وتعبانه منه كله يصيح وما ياكل شي ولا يشرب حليب كله يصيح ويوم يرقد لازم كل نصف ساعه يقوم من ألم في اسنانه وعنده اسهال وانتوا بالكرامه شو اسوي وديته العياده عطوني جل واحس دقايق يخف ألم وعقب يرجع ما اعرف شو اعطيه والمشكله اني بعد كم يوم بسير العمره وبخلي ولدي مع خواتي وهو يوم يرجع له العوار ما يبي حد غيري شو اسوي الي عندها شي يسكن العوار او خلطه دخيلكم ساعدوني …..
وهي نسيت اخبركم بعد طالعه حبوب لونها احمر مع ابيض في حلج ولدي وحده باللسان واثنين تحت اللسان وبعد اثنين تحت الشفايف وبنت اختي بعد عمرها ثلاث سنين ونفس الشي طالعه لها حبوب نفس ولدي وما يقدرون ياكلون شي او يشربون كله يصيحون ……
افيدوني جزاكم الله خير

وما في اي علاج حتى الجل ماينفع بس صبري عليه ثلاث ايام وبتهدى الاوضاع وتفس الشي ولدي ماياكل يوم بتطبع اسنان

انا وديته العياده وقالولي فطريات
مشكوره اختي ع الرد
بخصوص جل دكتارين لين كم يوم يخوز عنه الفطريات

بدول الخليج بالكويت يعملوا حفله للصغير ما اعرف اذا بالامارات بتعملوا شي للصغير

اب لعيونج