السلام عليكم خواتي انا مرعوبة وواصلة حدي ف الرعب من يومين كنت مراجعه المستشفى(مستشفى الواحة في العين ) وسوولي صورة تلفزيون كنت ف 17 اسبوع ويوم واشوف الدكتورة بطت وايد وهي تصور وتقولي نامي ع جانبج اليمين وبعدين نامي ع اليسار وبعدين سيده وهي مركزة وتصور وانا أسأل وأسال يمكن 3 مرات وانا اسال وهي تقولي مافي مشكلة وخلصت قالت خلاص روحي ماشي مشكلة ويوم العصر اتصلت بي الاخصائية النسائية اللي اتابعني بالتيلفون وقالت ان حصلوا بالتصوير مشكلة في البطين اليسار لقلب الجنين او تخثر وماادري شوه وصابتني بصدمة عمري ماتوقعتا..خواتي اللي عندها خلفية تكلمني وتصارحني امراض القلب في الجنين يبينن من الاسبوع 17؟؟؟ وهل هاي المشكلة خطيرة؟؟وكيف بتكون حالة البيبي؟؟؟تخيلكن اللي تعرف تخبرني …. مادري ليش المستشفى يتعامل بهاي الطريقة وليش مايصارحوني يوم كنت عندهم؟؟؟الله المستعان
حبيبتي ردي شيكي في مستشفى غيره ..
والله يكون بعونج وان شاء الله البيبي مافيه الا العافيه ..
والله يكون بعونج وان شاء الله البيبي مافيه الا العافيه ..
ماعندي فكرة بس حبيت أدعي لج انه الله يرزقج بطفل سليم معافى كامل الخلقة بلا زيادة أونقصان.
الله يرزقج الغالية بطفل سليم معافى كامل الخلقة بلا زيادة أونقصان
الله يرزقج بالذرية السليمه المعافاه …
السلام عليكم ورحمة الله
الله يحفظ لج ضناج وتشوفينه بين احضانج
اولا انا يوم كنت حامل شراتج زيغوووني ، لا تسوين بحث عن هالمرض لانج ببتعبين نفسيا
انا تعبت نفسيا وهلكت
وطرشوني مستشفى ثانيه وبعد الفحوصات قالو كل شي سليم الحمدلله
بس مرات يكون الجهاز مب واضح او يعطيج خانه فاضيه فهالخانه يعتبرونها فتحه فالقلب لا تحاتين نفس موضوعي طولت فالفحص ويمين ويسار وحاله
وزيغتني ،
ولا فوق ها شرحت كيف اتصرف مع الطفل يوم بولده وشو الاضرار تخيلي نفسيه ززززفت حسيتها ابدا ماعرفت تتصرف فالموضوع
والحمدلله هذو فحضني بضحه وعافيه ..
ربي يسر امورج يارب ويفرحج بشوفت ضناج معافى كامل الخلق دون زيادة او نقصااان
الله يقومج بالسلامه
لازم تكونى قويه لو سمح الله كان عند الجنين مشكله
شى مركز في دبي متخصص في علم الاجنه
الافضل تسيرين لهم وبيخبروج
اذا فيه مشكله
وربي يرزقج بالذريه المتعافيه ياارب
