كيك الشوكلاتة بصوص المارس .
مقادير كيكة الشوكلاتة
2 بيضة + فانيليا
¾ كوب زيت
كوب إلا شوي روب أو زبادي
2 كوب دقيق فاخر منخول
ملعقة كبيرة باكنج باودر
2 ملعقة كبيرة كاكاو بودرة
¼ 1 كوب ماء بحرارة الغرفة
وللتزين إستخدمت شوكلاتة بيضاء وشوكلاتة بالحليب مبشورة
نبدأ طريقة عمل صوص المارس بسم الله الرحمن
راح نحتاج إلا 3 حبات من شوكلاتة المارس وحوالي ربع اصبع زبدة أو 25جرام من الزبدة
نضعهم في وعاء على النار
ونضيف عليهم ملعقة طعام كبيرة عسل
ونقلبهم جيدا على نار منخفضة حتي يندمجوا جيدا ويصبح القوام سائل كما هو موضوح في الصوره أدناه أحبتي. ونضعهم في الثلاجة مدة ربع ساعة .
وهذا هو شكل وقوام صوص المارس بعد وضعة في الثلاجة
وكلما خليته في الثلاجة أكثر صار كثيف أكثر.
طريقة عمل الكيكة الكوب المستخدم في هذي الكيكة هو الكوب العادي وراح نحتاج إلا كوب إلا شوي روب أو زبادي نضعه في كوب الخلاط
كوب وربع سكر عادي نضعه في كوب الخلاط
¾ كوب زيت نباتي
يتبع أحبتي
عدد 2 بيض حجم كبير نضعهم أيضا في كوب الخلاط مع باقي المقادير
ولا ننسا أن نضع مقدار الروب أو الزبادي بالإضافة إلا كوب وربع ماء بحرارة الغرفة جميعا مع باقي المقادير في كوب الخلاط
بعد أن خلطنا في خلاط العصير نصب المزيج في اناء واسع
ونضيف 2 كوب الطحين المنخول مسبقاً مع ملعقة الطعام باكنج باودر دفعه واحده إلا المزيج
و الملعقتان الكبيرتان من مسحوق الكاكاو الغير محلى
وبإستخدام شريط الخفق نخفق المقادير جميعاً جيدا
ثم نضيف مقدار الفانيليا على خليط الكيك
وهذا هو قوام خليط الكيك النهائي أحبتي
نضب المزيج في صينية مدهونة بقليل من الزبدة ومرشوشة بالطحين
وهذا هو شكل خليط الكيك بعد السكب
يتبع أحبتي
وهذا شكلها بعد ما قلبتها في صحن التقديم لاحظوا أحبتي كيف الكيكة ماخذه شكل القالب والسبب هو إني دهنت الصينية بالزيت وتأكدت إنها اندهت جيد جداً قبل رش الدقيق.
وبعدين زينتها بصوص المارس وأترككم مع الصور بعد التزين
وبعدين رشيت عليها الشوكلاتة الغامقة والبيضاء المبشورة . وزينت الكيكة بعد بأشكال السكر الي سبق وسويتها. وأترككم مع الصور النهائية للكيكة بعد التزين على أمل أن تحوز على رضائكم أحبتي.
وهني قطع من الكيكة بعد ماقطعيتها بس للأسف ما خليتها تبرد لاني كان عندي ضيوف .
وهذا صحن الي دوم مفشلني وهو اخوي الي يحب على الكيكة صوص وايد فديت عمره بالعافية عليه .
مع محبتي
شوكلاتة
الصرااحه وانا افكر اسويه ان شاء الله بالويكند
انا الحين في الجامعه وقلت والله ما اقوولم من ع الكرسي الى لما تخلصين الكيكه واخير شفت النهايه وشبعت
خخخخخخخ
مشكوره وايد وايد وايد
وانا معجبه وايد بطبخج ودوم اطبقه و الحمد الله
تسلم اناملج اختي
والله يدييم صداقتكن ع خيير يارب
و ماشااء الله عليييييج اختي شكولاتة ابدااااااااع وربي
شكلهااااااا لذييذ وسهله وايد فديييت ايدج الي مسويتنهااا
والله مااعرف شووه اقوولج غيير ربي يوفقج ويسعدج ويحفظج من عيوون الحسااد
احبـــك في الله
تقبلي اعجاااااابي
المشاركة الأصلية كتبت بواسطة بنــUAEـت 
الصرااحه وانا افكر اسويه ان شاء الله بالويكند
انا الحين في الجامعه وقلت والله ما اقوولم من ع الكرسي الى لما تخلصين الكيكه واخير شفت النهايه وشبعت
خخخخخخخ
مشكوره وايد وايد وايد
وانا معجبه وايد بطبخج ودوم اطبقه و الحمد الله
تسلم اناملج اختي
هلا غناتي بنت الامارات
تسلمين على ردج الاكثر من رائعة الله ويوفقج في الجامعة يارب وينولج الي في بالج انتي وكل خواتج الي في الجامعة .
بالعافية عليج مقدما الكيكة واتريا التطبيق عزيزتي
في امان الله
ان شاء الله بطبقه قريب ….
و الله يوفقج و لا تحرمينا من يديدج…..
