ياتعقون عيالكم على الخدم ولا اهل امج ولا اهل ريلج .. الي يألمني الانانية الي مستوية .. تراكن محاسبات امام الله شوفن عيالكم وحترموا امهاتكم وعيالكم لاتمون تفلسفون اعيش حياتي اوين مع ريلي زين حبيبتي في ناس تعبوا عليكم يبون يرتاحون لا يكون على بالكم العرس كتشات والخ عنبو عيالكم كيف يتعلمون منكم سرتوا سوق حطيتوهم سرتوا عيادة هم بعد حطيتوهم سافرتوا هم بعد حطيتيوهم وتقولون بعدين ولدي او بنتي ماعرف شفيهم يا تلاقون خدامة تضربهم ولا حد يضربهم او الله اعلم شو يسوون بهم
تعرفون تلاقيت ويا حرمة قالت اليوم حرمة ولدي غيبت عيالها قالت بغيبهم بوديهم دبي للعلم فقط الحرمة ماسكه عيال حرمة ولدها لا وتخليها ترقد بعد ماتيي للدوام .. للأسف مع ضمن الكلام عرفت انها ماتعرف انه عندهم اجازة تمت يحليلها ساكته جنها تقول ليش تخبي عني وانا زاخه عيالها؟!! تعرفون شو ردت الله يهنيهم .. وربي انقهرت بقمة الحقارة والانانية والنذالة نفوس وصخة وصخة
طبعا هالفئة من الحريم مب حريم
للعلم فقط اذا انتن تملن من عيالكن وتتأففن لاتلومون غيركم
اللي بقوله كل راع مسؤلا عن رعيته
اللي مب قد المسؤليه تستريح ههههه وفعلا اللي قلتي صح …وواقع نعيشه
شو نقول بس الله يعيننا ههههههخخخخخ
واخر شي اقول لفئة هالحريم وياكثرهن هههه حشرتونا بعيالكم الله يحفظهم
خلونا نرتاح ملحقين على العيال يوم بعرس بيبهم عن اللي كانت تحط عيالها عندي ههههههه ابا ارتاح مثلكم خهههههههههههه
نقطه مهه عشان نكون منصفين حبيبتي
الحين اللي تروح المستشفى او تروح السوق او مكان تقضي فيه شغله مهمه وعندها ماشاء الله 3 او اكثر من اليهال كيف توديهم معاها بذله يختي الله يعين في هاي معاها حق تحط اليهال عن اهلها
بس اللي مالهم حق فيه يوم تروح هي ورياها يستانسون ويخلون اليهال انزين وعيالج مالهم نصيب فهالوناسه ياماما . اهنيه الانانيه وشعور الامومه تروح عشان وناستكم انتيي وريلج ياعروسه ,,, الحين عصبت هههههههههههههههه
اشكرج مره ثانيه على الموضوع
نحن الأمهات نتعب من عيالنا فما بالكم بالغير حتى الخدامه لا تأمنون لهم
انا وحدة غير لو ترمسين من اليوم لين باجر هل الشي ما بيتغير ..
وايد مثل الي ذكرتيهم …
بس ساعات لو شي ضروري ما تقدرين تقولين لا مثلا سفر علاج صعب اليهال يسيرون لانه منوه بيشوفهم هناك …فتنجبرين تجابلين عيالهم …
لكن الاعتماد الزايد عن حده …من كل النواحي صدق يقهر و امي كانت حتى اذا سارت الجم تشلنا وكل مكان مره بس سارت علاج وخلتنا عند قوم يدي وهنيه اقولج للضرورة القسوى …بس مب لكل شي اعق عيالي مستحيل …
انا حتى اذاكر لهم وحاشره عمري عليهم والام لاهيه في اولويات حياتها العمليه والعلميه ما تشوفهم غير قبل النوم بس …
كم رمسنا وقلنا ..
مقولتهم الشهيره …يوم بتعرسن بنسد عيالكن …..سدن عيالكن اول شي بعدين لاحقاات ع عيالنا …
يعطيج العافية ختية ع الطرح .
والاحسن ترك الياهل مع اهل الزوج اذا البيت مشترك وطبعن الاحسن مع الخدامه باشراف اهل الزوج امه أو خواته
بالنسبة لي منفرده فبيت بروحي وبيت اهل ريلي قريب احط الصغاريه فبيت اهل ريلي بعد ما اكلمهم واتاكد ان ماعندهم التزامات مع الخادمه وباشراف الجميع واوصي ان الخادمه ما تغيب لحظه عن عيون اهل البيت
احيانا نبا نطلع نتفري مع الريل او نخلص مستلزمات البيت ومواعيد المستشفى بدون صدعت اليهال لانهم يعطلونا عن اشغالنا مرات
بس هذا مب دليل ان امه ما تحبه وما تهتم فيه بالعكس أحي ام ريلي الله يحفظها لنا وايد تستانس يوم ايونها الصغاريه وما تقصر معاهم فديتها
