شحالكن خواتي ربكن الا بخير ..
حبوبات اللي عندها طريقة المندي او البخاري .. وتكون لذيذه تعطيني طريقتها
لاني جربت ادور .. وحصلت بس مااقتنعت فيهن ..
اريد طريقة تكون لذيذه ..
زوجي يبا مندي وانا ماقد سويته في حياتي ..
المشاركة الأصلية كتبت بواسطة ro0o0osa 
مشكورة اختي ..
بس اريد طريقه ثانيه
ان شاء الله تفهميني
اول شي حمسي البصل وحطي عليه دياي مقطع على حسب الطريقه الي تحبينها وحطي عليه فلفل اسود حبات وقرنفل وهيل وحركيهم شوي يعني الين ماتحسين ان الدياي شوي ذبل وبعدين حطي عليه كركم وملح وحركيهم شوي وعقب حطي عليه ماي حار وخليه الين ما الدياي ينضج وخلاف سكري وطلعي الدياي من المرق وحطي الدياي على صوب ويبي الرز على المرق وخليه ينضج
ووفي هالوقت الي ينضج فيه العيش يبي الدجاج وادهنيه بزيت وكركم ودخليه الفرن خليه يتحمر
وعقب اشخلي العيش وردية الجدر وعلى صوب تكونين حمرتي فحمه
الحين حطي العيش في الجدر وسوي فراغ في نص العيش وحطي ورقة قصدير سويها على شكل صحن صغيره او حطي ورقة القصدير في صحن زجاج وحطي زيت فيها وعقب تكونين مجهزه قصدير على صوب عسب اول ماتحطين الفحمه على طول تغطينها وبعضهم يحبون يحطون الدياي عسب ياخذ طعم الفحم وانتي وراحتج ^_^ ان شاء الله فهمتي شرحي
واي شي تبينه مايردج الا كيبوردج
تخلينه يفور لين ما ينضى الدياي . طلعي الدياي وخليه على صوب
بس لا تصبين الماي اللي بالجدر خليه لانج بتستخدمينه =)
تقلين البصل والجزر والفلفل بالزيت ’ حطي الدياي وياهم مع شوية سنوت وملح وفلفل اسود وبهارات حب اذا تبين ( قرفة – مسمار – هال ) وشوي صلصلة طماط و خليه لين يحمر الدياي
