أول شي باركولي تخرجت من الجامعة وخذت الماستر بامتياز مع مرتبة الشرف ، والحين أبغي أسوي حفلة حق الاهل وربيعاتي يعني في حدود ال120 شخص تقريبا.
حفلة تخرج ماستر مب ثانوية ياريت تدلوني على قاعة أو صالة حلوة في بوظبي وبغيت مكان حلو يجهز القاعة يعني من سنتر بيس ومفارش وهالسوالف مابغي أسير محل كوش لأني بيظربوني ف السعر اعرفهم استغلاليين.
والشاطرين اللي بيعطوني أفكار قوية أسويها يوم الحفلة.
وبعد طلب ثاني……أبغي ألوان اختارها حق الحفلة ( الحفلة بعد شهر لما يخلصون المدارس الامتحانات)
والله لواني من بوظبي جان دليتج بس ماعرف شي فيها ان شاء الله بنات بوظبي مابقصرن
وانا بعد بسويها بس في بيتنا بس بعدني ماقررت متى وبعدني بفكر بالتجهيزات
بالتوفيق حبوبه ^^
اممممم بالنسبه للأمـــاكن عندج التنميه الأسـريه مكانها بين الجســرين
او عندج نادي الضبــاط ..
بالنسبه للتزين شووفي محلاات شرات باالوونز وهاا الاماكن اكيد يزينون الطاولاات وجي
امممم بالنسبه للألواان عندج البنفسجي و الذهبــي حلووو بيطـلع
امممممم باالوووونز في الهواااء اذا حابه ..
مسابقاات اذا انتوا تحبون ها الشي ..
ها الشي حاليا في بالي
وألف مبروك مره ثانيه
^^
عندج اختي بنادي الضباط ها الي اعرفه و اذا تبين تويعات فالج طيب و بالسعر الي تبينه حبيبتي و ارد و اقولج الف مبروك حبيبتي
اسوي تزيين طاولات وتوزيعات
وممكن اسوي لج افكار تخص التخرج ^_^
الله يخليكم دلوني
أبغي شي راقي
شوفي التنمية الاسرية
ان شاء الله البنات بساعدونج
