اليوم يايبتلكم موضوع قريت عنه وايد في المنتدي ووايد نسمع عنه عند العيايز والحريم
هو عباره دوم تنقال بس بدون ماينحسب لها حساب
اي وحده يخونها ريلها والا ولدها لعّاب وبو البنات بالعربي "مغازلجي" والا ابوها مراهق خمسيني وراع بنات والا اي ريال في حياته حريم وايد غير حرمته شو يقولون عنه ؟؟؟
قصوا عليه بنات الحراااااااااااااااااااام
وهاي الكلمه وااااااااااااايد عوده وحرام وماتيوز لانه فيها قذف وطعن في شرف المسلمين والمسلمات امهات ها البنات يعني بلاش منهاااا
ابا اعرف ليش مايلومون الريال ؟؟ عينه زايغه والا مزواج والا دونجوان والا بو الحريم والا والا والا ليش الرده كله على البنات يعني هو شوووووو ؟
برئ ؟ ياهل ؟ اعمي ؟ امعه ؟ مب صاحي ؟ علي نياته ؟ اذا كان اي صفه ان شاء الله بيبي مايفتهم ليش حرمته ماقصت عليه ؟
يالله حبايبي تعالوا خلونا نحل هالمشكله العويصه ونتناقش فيها
التفااااهة وخفة العقل إن نلوم البنات وبس ! أي موضوع
مثل هذا لازم يكون فيه طرفين . . والغلط لازم يكون على
الطرفين . . بس واحد منهم يكون اللوم عليه أكثر !
وفي حالات يعني ما نعمم بعد
وتسلم المواااضيع الحلوة يااا ( بـــٍـت ) ^.*
هي اللي عقت هالجملة في بالنا
عسب جيه لازم نقول هالكلمة على اي حد ( بيمشي المشي البطال )
وعلى فكرة حتى لو كان ريال نقول نفس الشي
هوه صحيح غلط نقول هالكلمة وحرام اصلا لانه شرات ما قلتي قذف
لكن شو نسوي متعودين
وان شاء الله نغير هالشي
وفعلا الفعل من صوب الثنينه الحرمة والريال
وترى اهل البنت بيقولون قص عليها هالريال واهل الريال بيقولن قصت عليه هالبنت
والله يعين
الريال فاهم وعاقل وعارف ف لا تطلعون لهم اعذاااااااار مالهم عذر
هو بنفسه يدور هالشي ويركض ورا شهواته ولا هو مفتكر بشي لانه يعرف ان الكل واقف في صفه
حتى حرمته بتلقاله عذر (قصو عليييه) ليش كم عمره ريلج. 10 سنين؟؟؟
الريال انسان كبير وعاقل وفاهم
مابيي يوم القيامه ويقول لربه (والله قصو علي)
اعتقد لو الريال مب عاقل ينقص عليه ربي ماكان بيحاسبه
لا تدورولهم العذر عسب تسكتون عماركم
الريال غلطان ومليون غلطان وماينقص عليه هو اللي يقص عليهم
بس شو نسوي في زمن نسينا فيه ربنا وديننا وركضنا ورا العادات زالتقاليد وكلام الناس
ولا ترى الله قال في كتابه شي بهالمعنى (الزاني لا ينكح الا زانيه مثله) والزانيه بعد ماتنكح الا زاني مثلها
لكن ريايينا معظمهم زنااااااااة ويدرون على بنيه محترمه عسب يعرسون عليها
واذا قالت البنت حق اهلها اسألو عنه
قالو الريال مايعيبه الا جيبه
استفغر الله قسم باالللله مجتمع قاهرني (رغم اني مو مطوعه بس ماحب اننا نجدم مجتمعنا ع ديننا)
في خاطري كلام وايد بس يكفيييي اخاف تطيحون فيه خخخخخخ
وسمحولي هذا رايي الشخصي لا تحاولون تغيرونه
والاختلاف في الراي لا يفسد للود قضيه
