كلنا مرينا في حياتنا باوقات صعبة وااايد … منها تروح وتنتهى ومنها يتم ويبقى ..
اللي تتمنى فينا ولد …
واللي تتمنى الزوج
واللي تتمنى اقل شي كاكاو…
واللي تتمنى ان الله يشفيها ويشفي غيرها…
ياسبحان الله …
انا في يوم من الايام … نمت صاحية …. نشيت مريضة ..(حلووووووو الاختصار) خخخخ
المهم …. اكمل لكم …
منو فيكم مرت بتجربة او بالاحرى مريضة بهربس الحلأ البسيط …
يعني بغيت اعرف منو عايش في نفس هالماناه اليومية واللي تاخذ من عمرنا احلى مافيه وتسلبنا اقل شي فيه ….
كيف وصل لها …؟؟ كيف تتعامل مع الموضوع؟؟ كيف علاقتها بزوجها؟؟؟ هل زوجها متقبل ويدعمها ولا؟؟ كيف بدت الحكاية .؟؟ زكيف مستمرة معاها ؟؟؟
وياليتني اقدر اقول (كيف خلصت) ؟؟؟ لكن الاسف انها ماتخلص …
يعني بغيت التجارب في هالموضوع … ابي اعرف منو عايش في عالم( الهربس التناسلي),, شو تسوي وين تتعالج هي وريلها
ياليت اللي عندها تجربة ماتبخل عليه … واللي يقرا مواضيعنا يدعيلنا ان الله يشفي المسلمين اجمعين ..
عدلت الموضوع عشان يكون اوضح للاخوات ..
خواتي حبيباتي … هربس البسيط او الهربس التناسلي …. او اظني اسمه بعد .. الثواليل التناسلية او الثؤلول.. فايروس HSV
هو من الامراض اللي تنتقل جنسيا …. او يمكن له طريقه اخرى … الله وعلم .. يطلع ع شكل زوائد لحمية في ………..
خواتي قصتي مع (هربس الحلأ البسيط)
راح احكي القصة بتفاصيلها عشان يستفااااد منها الكل .. و بالاخص اللي تقرا موضوعي وتكون في نفس حالتي … والله يبعد عن الجميع كل شر ..
في يوم انتبهت ع المنطقة الحساسة ان طالعة ابها شرات الحبوب الصغيرة … او بالاحرى المنطقة بكبرها منتفخة غير العادة … جنها مضروبة ( خخخخ)
المهم قلت بسير العيادة عسب اعرف شو الموضوع واول مرة اقرر اسير العيادة اروح ع طووووووووووووووووول من دون تاخير ..
فحصتني الدكتورة وقالت هذي مب حبوووب هذي (ثواليل) ّّّّ
قلت لها وشو هذا بعد نحن مانخلص من شي الا ويطلع لنا شي ثاني ….
قالت هذا فايرووس ينتقل جنسيا (وبس!!!!!)
وصفت لي ادوية .. اخذها … وانا من عادتي اقرا الوصفة الطبية اللي اتي مع الدوا .. قبل لا اخذ الدوا نفسه … ويووم قريت استخداماته ,,
الله يعافيكم مكتوب للامراض ضعف المناعة من هربس ومدري شو ……….الخ..
هني بغيت اموت … قررت اتصل لريلي واساله بس سؤال وااااحد ..
قلت له : انته عندك خرابيط شوارع مني مناك (كيف تجرات وسالت ماعرف مع اني اعرف ريلي عدل مستحييييييييييييييل عنده خرابيط مع انه عاش براع 4 سنوات)
قالل: شو هالسؤال شو بلاج وشوقالت لج الدكتورررة ……الخ
خبرته بالموضوع … وقال :مستحيل ياخي شو هالكلام بعد ..
المهم
تم ياكد انه ماعنده هالسوالف وانا اصلا من البداية اعرف بس الصدمة هي اللي خلتني اصرف جيه ..
هني ماعرفت كيف اصرف مع نفسي .. وقررت ادخل طرف ثالث في القضية وهي امي …
اتصلت لها واصيح واقول .. امااية انا بعدني صغيرة بنت بو 20 سنة ليش يستوي بي كل هذا ….. انا شو سويت ..
وامي طبعا مب فاهمة شو الموضوع …
قلت لها انا ليش اخذ ادوية عن مرضض الهربس والايدز خبريني … واهيا للحين مب فاهمة شو السالفة …
عقب قلت لها قصة البثور اللي طالعة لي.. وسالت من متى وكيف ومدري شو … يعني روحها تخربطت ,,
قررنا نسير عيادة فالشارجة .. مركز رياض الطبي دكتورة صائمة …
بعد مافحصت قالت لازم اسويلج تحليل (هربس) ؟؟؟؟؟؟؟؟؟؟؟؟؟؟؟ هني اتخبلنا قالتها كاااااااااااااااااااااش في ويهنا ..
سوينا التحليل … والنتيجة قالو بعد 3 ايام بنتصل ,, وطوووول هالفترة امي ما منحالها حال … وهذا كيف وصلج وهذا اشلوون يالج ومدري شووو ….الخ
وصارت مشاكل وااايد .. لان الدكتورة قالت هذا ماينتقل الا من شريك مصاب فيه … والمقصود ريلي ..
المهم
طلعت النتيجة اني مصابة بهربس الحلأ البسيط رقم 2 واللي يصيب المنطقة التناسلية …
ومشكلت هالفايروس انه خفي مايبين ..
ماينعرف متى يكون نشيط او معدي او متى خامل .. واذا دخل الجسم يبقى فيه طول الحياة … الا اذا كانت ربحمت الله اكبر وقدرت مناعة جسم الشخص نفسه يقتله بعد سنين ..
الاعراض تروووح وترجع والمقصود هالبثور … علاج نهائي مافي ,, لكن في لها حبوب تخفف اعراضه كل مارجع ..وكريمات وغيرها ..
ماياثر ع الحمل لكن ياثر ع الجنين وقت الولادة الطبيعية انه ينتقل له … ويصل لدرجة قتل البيبي لانه ماعنده مناعة … لذلك الافضل الولادة القيصرية قبل لا ينبط الماي ..
اما بالنسبة للاوقات اللي بيني وبين ريلي … ابدا مالها بريق شرات قبل … مقيدين باشيا كثيرة وقت العلاقة …
حطيت احتمال ان يمكن انا انعديت بعد ماسويت عملية القرحة في عنق الرحم ولكن .. الاحتمااال في هالشي ع قولت الدكتورة ميت والانتقال الاكثر شيوعا لهذا الفايروس هو الاتصال الجنسي ..
لكن الله عالم ان انا ابدا م ب شاكه في ريلي …. وللحين ماعرف من ويت يانا … لكن عارفين انه ابتلاء من الله … ووالله والله صابرين انا وريلي ..مع ان اتيني اوقات انهار فيها لما اتذكر هالشي او لما ترجع البثور وتطلع .. بس الحمدلله ع كل حال …
وحاليا افكر ارجع اسوي تحليل من اول ويديد في الطب الوقائي … بس انا عارفة النتيجة سلفا انا وزوجي .. النتيجة نفسها ..لكن الاعراض علي طالعة وهي تقتصر ع المنطقة التناسلية فقط , اما ريلي فديته مب امبين عليه شي … وهذا خلاني احطي امل ان ريلي مافيه شي لكن ,,, طلع فيه بعد بس ان الفايروس شكله راقد والله لا يوعيه مووول ولا يبلش ريلي …
هذي القصة كلها
اختكم : غرم
بس شو هالمرض؟؟؟
الله يعافيج ويشفيج من كل شررر ..
والله يشفيكم ويشفي الجميع
خواتي حبيباتي … هربس البسيط او الهربس التناسلي …. او اظني اسمه بعد .. التواليل التناسلية .. فايروس HPV
مشكووووووووووووووووووورات حبايبي ع ردودكن و دعواكن
والله اول مره اسمع بهالمرض
وأول مره اسمع ان ماله علاج..!
خلي املج بالله كبير الله بيشفيج ان شاالله
