بنات ، انا من كان عمري 14 وصرت امتن امتننن وسويت رجييم ونزلت ورديت متنننت دبل
يوم وصلت 16 سنه سمعت عن حبوب الصبار بس الكل خاف علي وماطاع يبيعه لي لانه لازم يكون عمري 18
الحين بديت استخدمه بما انه بدش 18 شهر 5 ، ومب باقي شي ع حفلة تخرجييي وابا اضعف شوي ع الاقل
عسب الاقي فستان البسه ويا الروب ادري ما بضعف ع الاخر ف هال3 شهور ، بس ع الاقل اخف
وطبعا بديت دايت اليوم رابع يوم ، والحبوب الصبار بديته امس ماحسيت بدوخه كيف مايقولون ولا شي
لانه امي تستخدمه من سنتين تقريبا وهي ضعيفه ورشيقه ماشاءالله ، ف تعرف هي من وين تشتري الاصلي وجيه
اباا تعطوني نصايييح عن شو ابتعد وشو اسوي ، و خبروني عن حبوب الصبار مع الريااضه و مع الرجيم كم بينزلني فالاسبوع؟
وتسسلمووون
اول شي سوي رياضة المشي 5 مرات في الاسبوع ع الاقل مدة 45 دقيقة
وتمارين ثانوية ع الاقل نص ساعة ( تمارين الشد )
انا بقولج على جدولي اللي كنت اتبعه قبل (:
بالنسبة للريوق : آكل توست اسمر مع جبن قليل الدسم + وكوب نسكافيه 3 في 1
وبعد 3 ساعات من الريوق آخذ سناك ( وجبة خفيفة ) وتكون على حسب المزاج ^^
موز او صحن فواكه او صحن مكسرات غير مملحة او ككاو جلكسي صغير مع شاي اخضر او شبس وعصير لاكنور اناناس من غير سكر
بعد السناك ب ساعة اسوي رياضة ع السير مدة 45 دقيقة و ربع ساعة اي تمرين من تمارين الشد
وقت الغدا انا اخليه متأخر صراحة كنت ابا اضعف بسرعة >_<
يعني كنت اسوي رياضة ع الساعة 3 ونص الظهر وخلص الساعة 4 ونص واترياا ساعة وعقب اتغدا ^^
عشان تكون وجبة وحدة غدا و عشا (:
وبعد الساعة 7 ما آكل شي ابدا واذا حسيت بيوع
اكل اناناس او تفاح اخضر او آكل روب قليل الدسم
هالثلاث اشيا هي اللي تضعف وتحرق الدهون وتمشي البطن خصوصا الروب
صح وبخصوص حبوب الصبار ما سمعت عنهم بصراحة
وفي حساب مدرب من الكويت في الانستغرام اسمه shirazi999 فناان وايد استفدت منه (:
وبالتوفيج يا كتكوته ^_^
وبالتوفيق
اذا التزمتي بنظام صحي صدقيني باسبوعين بيبن عليج الضعف
مب لازم تضغطين ع عمرج وايد كلي الي تبينه بس بحدود ومع مشي ساعه بتنزلين
اتريا الباقيات
