بقولكم مشكلتي وابي حل
انا اداوم بس دوامنا وايد يعتمد على القروب وانا اكره قروبات كره العمى …لان رايي ابد ما يهم حد ..كل ما اقول رايي احس محد يسمعه
واليوم انقهرت من موقف..كنا في قروب 4 اشخاص..اثنين شباب وانا ووحدة …وهاي وحدة كانت leader علينا ..والقهر انها مول ما تسمع رايي..كلما اتكلم يا انها تعارض رايي او تسويلي طااف جدام الشباب!!!!!!!!!!
عن جد انقهرت من الحركة …وكل مرة يوم تقول عن رايينا تسمع اراء الكل بس رايي طااف ولا كأني موجودة …
شو اسوي ويا هالبنت ..!! دوم يوم نسوي قروب جي تسوي ..!! المشكلة هي تتحسب عمرها ليدر
ومشكلتي اني هادية ووايد اتردد لما اقول رايي لاني ما احصل تشجيع واخاف يطلع جوابي غلط
شو اسوي عسب اقوي نفسي في النقاشات
ومثل ما تسمعينهم خليهم يسمعونج
وفهميهم من البداية ان شغلكم يعتمد ع القروبات فالافضل تشتغلون مع بعض
ويوم بترمسن خليج واثقة من نفسج وارمسي بصوت عالي ومن غير تردد
لانها تعتبر ترددج دليل ضعف شخصية
واذا قالوا راي وما عيبج قولي لهم وناقشيهم بيني لهم ان لج شخصية ولا زم يسمعونج
لاتعطينهم الفرصة انهم يستغلونج
والله يوفقج ان شاء الله
لازم توقفينها عند حدها . لانها اليوم ما تسويلج سالفه او ما تسمع كلامج باجر من تتكلمين عادي تقول لج " اسكتي " جدام الكل .. لازم تبينين لها انج واثقه من عمرج وحتى لو كنتي مب متاكده من جوابج او تحسين انه غلط عاااااادي قوي قلبج وقولي رايج بكل جرأه ,, انتوو الحين 4 باجر لو كنتوو في اجتماع وفجاه حد سالج عن رايج ولا هي حبت تحرجج شو بتسوين !!
وان مصختها عن حدها قولي لها كـــاش !! انا ما اشتغل عندج وان كنتي ليدر تراج الا ليدر على عمرج .. وما حطووج ليدر مني والدرب الا لانهم شافوو فيج شي .. لا تخليني اشتكي عليج ويعني زيديها حبتين نفس ما يقولون ككككك .
لان والله عن تجربه حركات القروبات هذي كل يووم تستوي لي في الجامعه واخس عنها بعد والله ..
ما يمشوون الا بالعين الحمرا والله ^^
وبالتوفيق الغاليه .. خبرينا عقب شو صار معاج ^^
صباح الخير
مساء الورد
حبيت ااطمن عليج (يوم بتكون فالبيت )
ومن هالسوالف
ادعيه
وبالجمعة بعد
اهديها شي
بتتقرب منج
الغالية عامليها بالمثل …. وحاولي تثبتين لها ان لج راي وخل تسمعه غصبن عنها !!!!
على اي اساس اتسوي طااف واتقفط جدام
الشباب ؟؟ قوليلها هذا الوضع بالمره ماعايبني
عامليني عدل وباسلوب حلو بكون وياج على نفس التياار
اما هذا الوضع ماينسكت عنه قوليلها لي تصرف ثاني
معاج
وقفي مع نفسج وقفه صريحه .. وحاولي تتشجعين واتقولين رايج بصوت مسموع .. ولو قاطعتج في كلامج ردي و عيدي .. عادي ما فيها شيي .. جيه شغل القروبات من ايام المدارس ..
ولو قلتي شي غلط .. عادي شو فيها ؟؟ هم بيصححون لج .. ولا شو فايدة القروب ؟!
المهم يعني تقدرين اتغيرين هالشي بأيدج .
اموفقه فديتج .
