الوسم: الاسلوب

بقولكم مشكلتي وابي حل
انا اداوم بس دوامنا وايد يعتمد على القروب وانا اكره قروبات كره العمى …لان رايي ابد ما يهم حد ..كل ما اقول رايي احس محد يسمعه

واليوم انقهرت من موقف..كنا في قروب 4 اشخاص..اثنين شباب وانا ووحدة …وهاي وحدة كانت leader علينا ..والقهر انها مول ما تسمع رايي..كلما اتكلم يا انها تعارض رايي او تسويلي طااف جدام الشباب!!!!!!!!!!

عن جد انقهرت من الحركة …وكل مرة يوم تقول عن رايينا تسمع اراء الكل بس رايي طااف ولا كأني موجودة …

شو اسوي ويا هالبنت ..!! دوم يوم نسوي قروب جي تسوي ..!! المشكلة هي تتحسب عمرها ليدر

ومشكلتي اني هادية ووايد اتردد لما اقول رايي لاني ما احصل تشجيع واخاف يطلع جوابي غلط
شو اسوي عسب اقوي نفسي في النقاشات

ومثل ما تسمعينهم خليهم يسمعونج

وفهميهم من البداية ان شغلكم يعتمد ع القروبات فالافضل تشتغلون مع بعض

ويوم بترمسن خليج واثقة من نفسج وارمسي بصوت عالي ومن غير تردد

لانها تعتبر ترددج دليل ضعف شخصية

واذا قالوا راي وما عيبج قولي لهم وناقشيهم بيني لهم ان لج شخصية ولا زم يسمعونج

لاتعطينهم الفرصة انهم يستغلونج

والله يوفقج ان شاء الله

وان مصختها عن حدها قولي لها كـــاش !! انا ما اشتغل عندج وان كنتي ليدر تراج الا ليدر على عمرج .. وما حطووج ليدر مني والدرب الا لانهم شافوو فيج شي .. لا تخليني اشتكي عليج ويعني زيديها حبتين نفس ما يقولون ككككك .

لان والله عن تجربه حركات القروبات هذي كل يووم تستوي لي في الجامعه واخس عنها بعد والله ..

ما يمشوون الا بالعين الحمرا والله ^^

وبالتوفيق الغاليه .. خبرينا عقب شو صار معاج ^^

صباح الخير

مساء الورد

حبيت ااطمن عليج (يوم بتكون فالبيت )

ومن هالسوالف

ادعيه

وبالجمعة بعد

اهديها شي

بتتقرب منج

اموفقه فديتج .

اول شي بنوهلكن انا مب راعية النك انا ربيعتها بس طلبت منها اليوم لان طفح الكيل وابغي حل لمشكلتي ومحتاية اكثر من مشورة …………..

انا متزوجة وعندي ولدين وقريب بكمل 4 سنوات ان شاءالله ……. ماخذة واحد متعلم ومنصب ..حتى اهله وخوانه وخواته وابوه كلهم متعلمين ومتخرجين ومناصب … وانا نفس الشي الحمدلله متخرجة بتقدير جيدجدا… المهم زوجي واهله عندهم جنون العظمة وعندهم وسواس والحادسة السادسة وكل شي يحلمون به يصدقونه ويتوقعونه وعندهم وحدة تقرالهم وهي تقول الصدق ويصدقونها زوجي ما يروحلها ابدا بس خواته متعلقات فيها ويقولون لريلي شو اللي تقوله واحس علامات انه بيصدقهم واضحة على ويهه يوم اقوله عقب انه حرام وغيره يقول انا بس اماشيهم ولا فخاطري بضحك عليهم .. المهم مرة ريلي ضربني بالعقال لاني اونه انا استفزيته وعقب قاله اخوي بدخلك السجن اهني خاف واختفى من البيت يوم كامل وانا ما رحت اشتكي لان ما اريد اخسره سمعته ووظيفته وانا ادري هالشي مب من صالحي لان حياتنا بتخترب زيادة فقلت بسكت عنه وبسامحه ومثل ما الكل يتوقع انه يتبدل معاي بالعكس قام يخور علي زيادة … وباختصار اكثر انا احس زوجي يحس وايد مصدق نفسه يحس اني احبه واتنفسه صح انا احبه كان قبل بس الحين احس نفسي اجامله في كل شي والله العظيم حتى فالعلاقة الخاصة ماريد اسوي شي بس ادعي ربي انه يساعدني اتفاعل معاه وهو طبعا ولا اهني … واحاول فالمرة الثانية اني انا ابادر فخاطري ازنطه …. وكل شي ومانع علي كل شي كللللللللللللللل شي
لا صديقات يزوروني لا اسواق لا مولات ويا البنات ولا حتى اكمل دراستي العليا ولا معاهد ولا حتى اخذ ليسن وكل شي لا لا لا … وقالي بييبلج سيارة ودرويول وياب سيارة وزين بها البيت وعقب طنش الموضوع سنه واكثر كل ما استوت مشكلة قال حق امه شو تبا بعد السيارة يبتلها المهم وصل الدريول قتله اخير انحلت المشاكل قال لا ما اريده تفاجات وليش ما اعرف ولا طاع يقولي
وامس اختلفت شوي مع خالته … وطبعا قعد يضحك وانا انقهرت وصحت واخر شي قتله انا بأدبها اهني عصب وقام ورقد فالصالة حسيت اني خلاص براضيه لان لو ما راضيته السي سيد بيبوز واكون انا يبت النكد لعمري شفته راقد فالصالة انا واقفة عند راسه اوعيه وهو مب طايع وانا فخاطري والله ادوسه في بطنه وامشي بس يالله تحاملت عن نفسي ورقدت عدالة بس عصب علي طبيته ودخلت

والله اني يوميا اقرا سورة البقرة واليوم اللي ما اقرا فيه تستوي هالمشاكل

بس انا ما اقدر استمر معاه احس نفسي بتعرف على اي واحد بس عشان اسمع كلام حلو ومعاملة طيبة واحس نفسي اتدلع ……..

وللعلم يا بنات ريلي ما عنده سوالف بنات ومغازل وما يعرف المول ولا طلعات من البيت لشغله اللي ما يخلص 24 ×24 …. وبالمقابل محبوسة انا فالبيت مع هالولدين الصغار اللي ما اقدر حتى اسولف معاهن

ووحلم حياته اني انا استقيل بس يخسي ويحلم هالشي الوحيد اللي متمسكة فيه لان حضرته يباني احتاجه فكل صغيره وكبيرة

انا عطيته وييه من البداية وحسسته انه هو الكل بالكل فحياتي واعترف انها غلطتي بس والله كنت اتحرا اني بكسره بطيبتي ومعاملتي الزينة وعقب بديت اثور واخذ حقي غصب بس مشاكلنا تزيد

والله اني اكررررررررررررررررررررررررررررررررررررررررررررررره

احس الرياييل ما يحبون الا جي يعني خلج وسط لا بقسوة ولا بلين شديد…… عسب ما يتدلع واااايد

والبقرة البقرة البقرة اهم شي بالبيت

اساسا مشكلتج مب واااااااااااااضحه

جنون العضمه

وسوالف قرايه المستقبل

وانه ريلج يحس بجنون العضمه من ورااج انتي لانج حسستيه انج اتحبينه وانج اصلن من داخلج ماتحبينه وكله تدعين

ياماماا المشكله مش واضحه

وتقولين بحب واحد عشان يحسسني بكلام حلوو

وات ساب …………وين المشكله الحين

قلتي بقول الي بخاطري وبالاسلوب الي يعجبني

عيل بعد انتي اتريي الردود الي بتتييج والاسلوب الي يعجب كل عضوه

الله يعينج يا اختي على نفسج صراحه

اولا انتي مب عارفه شتقولين وثانيه مشكلتج اصلا مافيها اي نوع من مشاكل الي تبا حلول

لانه المشكله من الاساس هي انتي ولازم اتشوفين حل ويا نفسج

خل موضوع اهل ريلج وجنون العضمه الي مافهمت منه شئ

واسمحيلي انه ردي اكيد واكيد مابيعيبج لانه هذا ردي وهذا اسلوبي

المشاركة الأصلية كتبت بواسطة فانتاستك

شو هالرمسه هاي

اساسا مشكلتج مب واااااااااااااضحه

جنون العضمه

وسوالف قرايه المستقبل

وانه ريلج يحس بجنون العضمه من ورااج انتي لانج حسستيه انج اتحبينه وانج اصلن من داخلج ماتحبينه وكله تدعين

ياماماا المشكله مش واضحه

وتقولين بحب واحد عشان يحسسني بكلام حلوو

وات ساب …………وين المشكله الحين

قلتي بقول الي بخاطري وبالاسلوب الي يعجبني

عيل بعد انتي اتريي الردود الي بتتييج والاسلوب الي يعجب كل عضوه

الله يعينج يا اختي على نفسج صراحه

اولا انتي مب عارفه شتقولين وثانيه مشكلتج اصلا مافيها اي نوع من مشاكل الي تبا حلول

لانه المشكله من الاساس هي انتي ولازم اتشوفين حل ويا نفسج

خل موضوع اهل ريلج وجنون العضمه الي مافهمت منه شئ

واسمحيلي انه ردي اكيد واكيد مابيعيبج لانه هذا ردي وهذا اسلوبي

شو اللي ما فهمتييييييييييييييييييييييه

قول وبشرحلج وعادي ارمسي بالطريقة اللي تعجبج اهم شي تقولين

البيت بيظلم بفراقك قلبي معك ياحبي

الله يهدي الجميع لما يحب ويرضا مشكورة وجزاك الله كل خير علي هذا الموضوع

وايد عندي امثله من شهر تقريبا ربيعتي ف الدوام ياها عرض تسير كورس ف الدوحه ف نهاية مارس ( الاسبوع الياي) وكان لازم ترد بالموافقه عليهم عشان يتسجل اسمها وريلها ما رضى وعاند انها تسير وعاند انه يرافقها وقالها ماشي سيره ،، كانت زعلانه من هالسالفه قلتلها انزين خذيه باللين ولاتفتحين وياه الموضوع من احينه لين وقت الكورس تقدرين تخلينه يوافق،، هي قالتلي صعب وهو مستحيل يوافق و و و ،، وربيعتي من النوع العنيد اللي اذا مب مقتنعه تفرض رايها،، قلتلها طرشيله مسجات دلعيه وحسسيه بالحب ولاتبينين له انج تبين تسيرين واعتبري ان الموضوع منتهي جدامه وحتى ف البيت موول لاتناقشينه ،،والله اليوم الثاني الظهر اتصل فيها قالها خلاص انا موافق انج تسيرين وبرافقج وبناخذ ولدنا ويانا ،،
باللين والكلام الطيب حصلت اللي تبيه بكل سهوله
تذكرن ان ديننا الاسلامي حثنا ع الاخلاق واحترام الكبير والصغير والحسنى ف التعامل

فن الحديث مع الآخر يقدم له شخصيتك كاملة فاللسان يعبر عن شخصية المتحدث وما بداخله من سلوكيات،

وكثيراً ما نظلم اشخاصاً لمجرد حديثنا معهم والتعرف على طريقة كلامهم ومعاملاتهم،
ولكي لا نقع في هذا الخطأ

نقدم الأتيكيت الخاص بالحديث: –

وجه كلامك للآخر بعد أن تناديه باسمه ثم عبر عن رغبتك صراحة في التصرف السليم.

– لا تبق صامتاً من دون كلام في لقائك مع الناس وإنما شاركهم الحديث. –

كلما كان صوتك هادئاً رقيقاً كنت قريباً من القلوب وكان حديثك خفيفاً على الأسماع،

ومهما احتدت المناقشة فعليك ألا ترفع من صوتك لأن الصوت العالي لا يفرض رأياً ولا يقنع أحداً،

اجعل صوتك معتدلاً في درجته.

– إذا ما قابلت استفزازاً من أي شخص فاجتهد في عدم إثارة المشاكل وحاول الانسحاب بدبلوماسية. –

إذا كنت على المائدة أثناء تناول الطعام فاحرص على عدم فتح موضوعات تثير اشمئزاز الآخرين
.
– لا تتكلم عن نفسك طوال الوقت "ما يضايقك وما يبهجك". – "من فضلك" ، "بعد إذنك" "لو سمحت" ، "إذا أمكن" وما إلى ذلك

كلمات استئذانية يجب أن تبدأ بها حديثك إذا أردت الحصول على أي شيء أو أردت مقاطعة شخص ما لأمر هام. – لالالا… لازمة غير محببة لدى بعض الناس عند اعتراضهم على رأي يختلف مع رأيهم .

لا واحدة تكفي عند الاضطرار لاستخدامها. –

لا تقل لا في بداية الإعراب عن معارضتك لرأي ما ، بل أبدأ بالإيجاب في القضية ثم اذكر رأيك المخالف.
– لا تقدم النصيحة لأحد إلا إذا طلب منك ذلك ولا تتحمس لأي شيء من نفسك. –

لا تتحدث وفي فمك قطعة لبان فهذا تصرف غير لائق، وبالمثل من تتحدث أو يتحدث وفي فمه سيجارة. –

إذا وجه لك التحية بخصوص ملابسك المناسبة فلا داعي لأن تبخس نفسك قدرها فتؤكد أنها "قديمة" أو "رخيصة" أو "لا تستحق الثناء" أو أي صفة تقلل من شأن ملابسك.

– احذر العبث بمفاتيحك واحذري العبث باكسسوارك أو حقيبة يدك أثناء الكلام، لأنه يصرف انتباه الآخرين السامعين لك ويفقدك شيئاً من الاحترام. –

إذا كنت في ضيافة أشخاص لا يتحدثون بلغات أجنبية فمن غير اللائق أن تكثر من استخدام ألفاظ أجنبية،
أو تندمج في حديث جانبي بلغة أجنبية مع شخص آخر يتقنها. –

إذا أخطأ أحد الأشخاص في حضرتك في نطق كلمة ما ثم أعاد تكرار هذا الخطأ،

فمن الأحسن ألا تذكر له شيئاً عن خطئه وتدعه يكمل كلامه لئلا تجرحه، أما إذا كان صديقاً حميماً ولا ينزعج من انتقادك، فبإمكانك أن تسأله بطريقة عادية، "هل تنطق هذه الكلمة هكذا؟ لقد سمعتها تلفظ كذا". –

إذا كنت غير راض عن الحديث لأسباب عقائدية أو سياسية أو أخلاقية، فحول موضوع الحديث بذكاء ولباقة وأدب إلى موضوع آخر قد يكون فرعاً من فروع موضوع الحوار. –

إذا كان محدثك من هواة مقاطعة الآخرين أثناء الكلام وتكررت مقاطعته لكلامك أكثر من مرة، فأفضل

حل لذلك هو النظر إليه والقول له بتهذيب "لحظة من فضلك، إذا سمحت أود أن أشرح وجهة نظري ثم
أترك الكلام لك"

تم نقله

ومشكووره حبيبتي ماتقصرين

خخخخخخخ حلوه ردودكن

ونا اللي يقهرني يوم ابا ارمس يبن كله هن اللي يرمسن انزين عطني فرصه اتكلم يبن ارواحن يرمسن عيل ليش تفتحن الموضوووع جدامي خخخخخ