مثل ماوعدتكم بطريقة خبز النان + صالونة دياي

بسم الله الرحمن الرحيم

https://forum.uaewomen.net/showthread.php?t=988652

مرحبا يا بنات شحالكم؟.. مثل ما وعدتكم انزل طريقة عمل خبز النان والمميز فيها انج تعجني وعلى طول تخبزي ما يباله وقت يتخمر,يالله بسم اله نبدا
المكونات هاي حق 15خبزة تقريبا..

المكونات:
4 اكواب طحين رقم 1 او 2 (وانا استخدمت رقم 1)
5 ملاعق سمن
ملعقة صغيرة ملح
كمية الماء بحسب تكون العجين

الطريقة:
نضيف السمن الى الطحين والملح

ونخلطهم جيدا وبعدين نضيف الماي ونتم نعجن ونضرب بالعجينة اللين تصير بهالشكل

نمسك العجينة بكبرها ونفردها بهالطريقة

عقب ندهن وجه العجينة بالسمن

بعدين نبدا اندورها بهالطريقة

الين تصير جي

ونبدأ الحين انقسمها الى 15 جزء

نجهز التاوة على النار بدرجة متوسطة

عقب نفرد الخبزة بشكل دائري

ونحطها عالتاوة

ونحركها بشكل دائري مع الضغط عليها

ونجلبها بعد ما نتاكد انها استوت ونحرك العجينه بشكل دائري بعد مانتأكد ان الجزء اللي تحت استوى ندهن الجزء اللي فوق بربع ملعة سمن

ونرجع نجلب الجزء المدهون ونحركه دقيقه
وجي بيكون شكلها النهائي

وهني بعد ما خلصنا كل الخبز

وكلنا الخبز مع هاي الصالونة

وطريقتها جدا سهله
الصالونة نفس اللي سويتها حق البانير اما الدياي فبنتكلم عنه احين:
نجهز 3 صدور دياي بدون عظم

نقطعها مكعبات ونغسلها زين

ونضيف لها ملعقة روب

وملعقة صلصل

ونضيف البهارات ونخلطها جيدا (ملح-فلفل احمر-بزار-تكا مسالا –كمون-صبغة حمرا)

ونحطها بالثلاجة لمدة ساعة عقب نطلعه ونحطه بصينية وندخله الفرن الين يستوي

عقب نقط الدياي بالصالونة(هي نفسها اللي سويتها بصالونة بانير بتر مسالا) ونخلية لمدة 5 دقايق تقريبا

وهني شكلها النهائي

وان شاء الله تعجبكم..

ماشاء الله

بسويها عالعشى يوم برد ريلي من الدوام^_^