بنات نفسيتي تعبانه ومب قادره اصبر لين الصبح!!
دورتي كانت 25-6 يعني من اسبوعين وشوي!!
المهم من كم يوم ياني نزيف بسيط! اتصلت بالدكتورة قالت يمكن من التبويض
وانا كنت خايفه لأنه ولا عمري نزل علي اي شي بين الدورة والدورة!!
وكان شكل النزيف نفس يوم اجهضت المره اللي طافت! بس كنت اقول في بالي
انه توني ما مداني احمل اساساً !!!!!!!!
اللي حيرتني عدة امور يا ريت اللي تعرف تجاوبني لأنه مادري شو بيصبرني للصبح
أول شي انا اجهضت مرتين السنة اللي طافت بعدها ما حملت
اسباب الاجهاض طبعاً ما يعلم بها الا رب العالمين وللعلم عندي عيال ولله الحمد
وما كنت اعاني من شي في حملي! من اسبوعين يتني الدورة وكان كل شي اوكي
ومن ايام رحت للدكتورة وسوت لي فحص للرحم وقالت كل شي اوكي وشافت انه
عندي تكيس بسيط !! بصراحه وايد سببت لي الم بالسونار لأنها كانت تبغي تشوف عدل
المهم اليوم الثاني نزلت علي قطرات دم!! واتصلت بدكتورة ثانيه حسبت لي من موعد
الدورة قالت وقت تبويض ويمكن لأنه التبويض قوي !! طبعاً استانست ورحت خذت
فحص التبويض المنزلي كلير بلو وسويت فحص أول يوم (يوم نزول قطرات الدم)
ما طلع عندي تبويض – سويت ثاني يوم وطلع عندي تبويض!! <– ماعرف دقة الفحص
المهم الدم استمر خمس ايام!! اول ثلاثه خفيف اليومين الأخيرات زاد شوي !!
وكله اقل من دم الدورة يعني نزف بسيط!! انا خفت بصراحه قلت خلني اروح اسوي
فحص حمل من خلال الدم
رحت اليوم وقالولي حامل !!!!!! اللحين كيف ومتى صار الحمل وانا من خمس ايام طلع عندي تبويض!
وهل فحص الدم دقيق <——— طوووووووووووول عمري اعرف انه دقيق لكن شككتني الله يهداها!!
بقولكم من هي
اتصلت بعيادة الدكتورة غزل وكلمتني الممرضه شرحت لها الحاله قالت مستحييييل نعطيج تثبيت
قبل ما يبين نبض الجنين ! قلتلها اوكي اللحين انا كذا كذا شو اسوي عشان احافظ على الحمل!
قالت اصلاً مستحيييييييييل تكونين حامل لأنه ما يبين الحمل لين تتاخر الدورة قلتلها فحص الدم
قالت ولو ما يبين فحصج غلط!!!!!!!!!!!!!
اللحين انا حامل ولا عندي تبويض ولا عندي جرح بسبب السونار (لأنها عورتني به)
ولا شوه ما ادري!!!!!!!!!!!!!!!!!! واعرف انه باجر بروح وبرجع بحيرتي!
انتو شو تقولون؟ وشو تتوقعون؟
كل شئ والله يكون فى عونج
المشاركة الأصلية كتبت بواسطة أم عنود 
صادقه ، المشكله ما كنت متوقعه انه بيطلع ايجابي الفحص
سويت فحص قالولي هذا ما يبين غير انه في حمل او مافي
شكلي باجر برجع اسوي
المشاركة الأصلية كتبت بواسطة ام فطامي كل شئ والله يكون فى عونج
وحد عقني في هالحيره غيرهم الله المستعان
فوق ها ما ينفع لا تسالين حد هني و لا ان تتصلين في عياده .. لازم اتسيرين شخصيا عند دكتوره زينه و شاطره .. و غلطانه السستر يوم تقولج ان الحمل ما يبين قبل موعد الدوره .. يبين 
.. و يمكن تكونين حامل من قبل لان عادي الحامل تنزل عليها الدوره اول مره من حملها فا مب ع شرط .. سوي تحليل بول الصبح اشتري قوم بو 15 و سويه و اتاكدي و سيري سوي تحليل دم في مستشفى ثاني عشان تطمنين اكثر و انشاءالله ماعليج شر و طمنينا عليج
