اشحالكن خواتي …. عساكن بخير وعافيه
فديتكن بغيت اطلب منكن شي …
ابا حد يعطيني وصفة محشي ورق العنب بالصلصه
يعني وصفة اهل مصر اللي يكون العيش احمر … مب شرات مالت اهل لبنان
وتسلمون حبايبي وما قصرتن….
المقادير :
– 2 كوب أرز مصري مغسول ومنقوع في ماء دافئ .
– على النار نص كيلو لحم مفروم غنم .. لازم غنم … نخلليه ليما تنشف مايته ….. نضيف البهارات التالية بمعلقة الشاي مالت البياله :
* 2 دارسين
* 1 فلفل أسود
* 1 هيل مطحون بالبيت
* 1 كزبرة ناشفه مطحون بالبيت
* 1 فلفل أحمر بارد مطحون
* 1 بهار مشكل
بعد ذلك نضيف راس ثوم مفروم ناعم بالطحانه الكهربائية أو مدقوق ناعم حيل . نقلبه شوي ليما تطلع ريحة الثوم ثم نضع خلطة اللحم على جنب.
——————————————————————————–
– نفرم بصلتين كبار ناعم.
– نفرم 3 طماطم ناعم.
– نفرم 1 شدة بقدونس ناعم.
– ندق أو نفرم ناعم حيل راس ثوم.
– مغلف واحد مرق دجاج بودرة.
– عصير 2 حامض.
– ملح مو وايد علشان الماجي.
– نضيف الأرز.
– نضيف خلطة اللحم.
– قليل جدا زيت ذرة.
——————————————————————————–
في جدر .. نمسح القاع بقليل من زيت الذرة …….. ثم نرص طبقه من البطاطا حلقات سميكه …
نحشي ورق العنب ثم نرصه.
——————————————————————————–
الآآآآآآآآآآآآآآآآآآآآن
الخلطه :
– 1 حامض معصور.
– 1 معجون طماطم صغير Kdd أصغر حجم .
– ثلث كوب دبس الرمان.
– نص كوب زيت زيتون.
– ملح القليل.
نخلط الجميع مع بعض ثم نصبه على الورق عنب.
نضعه على نار عالية وعندما يبدأ بالغليان نضع صحن أو ثقل … ونخفف النار ويترك يطبخ حتى النضوج
وربي يوفقج…
تحطين في الجدر البصل وتغلينه وتحطين كزبرة وبغدونس وفي عشبه نسيت اسمها تيج ورقها طويل وضعيف لانها تعطي نكهه كوب لومي لاني احبه حامض وصلصل حسب الرقبه وتحطين 6او7طماطات مسلوقات في الخلاط وتخلطينهن لين مايستوي نفس الماي بعدين تحطين العيش المصري في الجدر وتصبين شوي من الطماط المخلوط وخلصت الخلطة
وبعدين عقب ماتطوين الورق وتحطينه في الجدر خذي الطماط الباقي وحطي فيه ليمون اذا تحبينة وايد وصلصل حامض وصبيه فوق الورق وخليه واذا نقص زيدي ماي شوي ويا الطماط
وبالعافيه سويها وخبرينا 
