بسم الله الرحمن الرحيم
بما ان كثير من البنات طلبوا مسابقه للتخسيس او انقاص الوزن ……قررنا نفتح باب التسجيل للمشاركه …من تاريخ 16-3-2017 الى تاريخ 19-3-2017 ….
وان شاء الله المسابقه بتبدا بتاريخ 20-3-2017 …..وبيبدأ التحدي
شروط المسابقه:
المشاركه فقط للعضوات اللي يبون ينزلون اوزانهم 10 كيلوات او اكثر
العضوه المشتركه بالمسابقه لازم تدخل يوميا وتذكر لنا يومياتها + واذا ما دخلت لازم تذكر لنا السبب او العذر …(حشى مب مسابقه ههههه اوني عاد)
مدة المسابقه 6 شهور
كل وحده منكن تعطيني قياساتها ….+ الوزن والطول
بعد اسبوع من بداية المسابقه بنوزن ….واكثر وحده نزل وزنها بتحصل لقب او شعار للرشاقه
بعد شهر من المسابقه ….اكثر وحده نزل وزنها …بيدخل اسمها في التحدي
خلال 6 شهور ..بنجمع 6 اسماء وعقب بيكون بينهم تحدي لمدة شهر ….واللي بتنزل من وزنها اكثر شي….بتحصل جائزه قيمه
خلال الشهر الاول من المسابقه ….بيكون فقط الاعتماد على الاكل الصحي مع التخفيف طبعا + رياضه على الاقل مدة نص ساعه …وان شاء الله بشرح لكم لاحقا
خلال الاشهر الثانيه ….بيكون كل شهر له نظام ريجيم بحيث الكل يتبعه
اللي بتخبص او بتتهاون عن الريجيم والرياضه ……….بيكون عقابها رياضه من اي نوع نحن نختاره + بتمنع من المشاركه خلال يومين …واذا شاركت في المسابقه ….مافي حد بيسوي لها سالفه خلال يومين …يعني طاف هههه
المهم…..اللي حابه اتشارك بليز تذكر الاسم + الوزن + الطول + قياسات جسمها ……..وترسل لي ايميلها على الخاص عسب نطرش لها آخر المستجدات والقوانين
+
نبا آرائكم وملاحظاتكم على المسابقه + شو اقتراحاتكم للهديه ….؟؟ مستعدات تساهمون بالهديه ؟ ؟؟
اذا عندكم اقتراحات ثانيه اتضيفونها على المسابقه ….عسب يزيد الحماس ونبعد الملل عن المشتركات
ابا وحده تكون مساعدتي ….لاني انسانه وايد مشغوله ….وابا حد يشرف على المسابقه وياي …..منو اللي بتتطوع؟؟
ومنو اللي بتتطوع وبتسوي لنا شعار فنان يدل على الرشاقه …ويشجع العضوات للاستمرار للوصول الى الوزن المناسب؟؟؟؟؟؟؟؟؟؟ + نبا شعار لأقل وحده ينزل وزنها ؟؟؟ عسب تنقهر من الرشيقات ههههههههههه وتتحمس
اللي عندها نظام للريجيم …يكون مناسب للجميع ….بلييز تطرحه في هذا الموضوع عسب نعتمد عليه لاحقا
ادري اني وايد اطلب…….لكن ابا الكل يترك بصمه في المسابقه…ويكون مرتاح معانا في القروب.. بالتالي يزيد الحماس
يلا بنااااااااااااااااااااااااات ….نبا حماس ….نبا عزيمه واصرار…………نبا تشجيع
الاسم: جـــروح
الوزن: 74 كيلو ونص
الطول: 165 سم
الوزن المطلوب او المناسب: 55 كيلو الى 60 كيلو (وهل يتحقق الحلم)
يعني لازم انزل 15 الى 20 كيلو ………..الله يعين بس………لكن انا متحمسه وان شاء الله بينزل وزني وبصير رشيقه
قياساتي….عقب بخبركن لوووووووول
انا اول وحده اشارك وياج فالمسابقه وان شاء الله تكون منافسه حلوه
وننزل من وزنا
مشكوره حبوبه على الموضوع والمسابقه
المشاركة الأصلية كتبت بواسطة ونة زمن 
انا اول وحد اشارك وياج فالمسابقه وان شاء الله تكون منافسه حلوه
وننزل من وزنا
مشكوره حبوبه على الموضوع والمسابقه
يسلموووووووووووو
طبعـــــــــــا انا بعد مشاااركه ان شاء الله ………. وان شاء الله اتقيد ف القوانين والا بنشاااات خخخخخخخخ
باجر ان شاء الله بنزل لكم البرنامج اللي كنت امشي عليه … وكل وحده عندها شي تقدر تفيدنا منه تنزله مثل ماقالت الاخت حزن ..
والسموووحه
المشاركة الأصلية كتبت بواسطة دبدوبة_راك حياج الله حبوبه
ليش تستحين ….بالعكس بتتشجعين زياده ….ونحن بنكون دووووم وياج وانساندج
