اليوم يايبة لكم طريقة مشروب ساخن يدفي فهاشتا البارد وأتمنى يعجبكم بصراحة عن نفسي اشوف طعمه لذيذ الكل يحبه الصغار والكبار
ونبدأ مع بعض :
أول شي ييبي قدر وحطي فيه ماي على قياس الدلة اللي بتستخدمينها
وحطي عليه 8ملاعق كبيرة حليب بودرة
وحطيه على النار لين يغلي وأول مايغلي خفي عنه النار وحطي عليه 5ملاعق كبيرة حبة حمرة وحركي
طبعا تكوني مجهزة كوب ماي دافي مب حار داااااااااافي وحطي فيه 6ملاعق كبيرة كستر واخلطيه زين لين يستوي سايل
وأول ما يبدأ يفور الحليب بالحبة الحمرا صبي كوب الكستر عليه وحرررررررررركي بسررررررعة عشان ما يتكتل
وخليه شوي عنار هادية عسب ينطبخ زين واذا حبيتي تحطين له سكر طبعا مب كمية محددة على حسب الرغبة انا بصراحة استخدمت 3فناجين سكر عسب الدلة كبيرة
وآآآآآآآآآآآآآآآآخر شي صبيه فالدلة وعليكم بالعااااااااااااااافية
بالنسبة للمقادير انا سويتها عحسب مقدار الدلة اللي بستخدمها
واسمحوووووووووولي..
ودفتهم من البرد ..
واقووووول جربوووووووها ومابتندمون
¸,ّ¤؛°`°؛¤ّ,¸ تسلمـــــون خـــواتي ¸,ّ¤؛°`°؛¤ّ,¸
